როგორ შევამოწმო ბიტკოინის ტრანზაქცია

ბიტკოინი არის ციფრული ვალუტა, რომლის ტრანზაქციებიც გამჭვირვალეა და სამუდამოდ ინახება ბლოკჩეინში. არ აქვს მნიშვნელობა მომხმარებელს საფასურის გადახდა სურს, მისი გადარიცხვის შემოწმება თუ სხვა, ტრანზაქციების შემოწმება ყოველთვის მნიშვნელოვანია.

ყოველ გადარიცხვას ენიჭება უნიკალური იდენტიფიკატორი (TXID), რომელიც მომხმარებლებს კონკრეტული გადარიცხვების პოვნაში ეხმარება. ბლოკჩეინის ტექნოლოგიის წყალობით, მომხმარებლებს შეუძლიათ რეალურ დროში დააკვირდნენ ნებისმიერ გადარიცხვას სხვადასხვა ხელსაწყოების დახმარებით, მიუხედავად იმისა, მსოფლიოს რომელ წერტილში იმყოფებიან ისინი.

ბიტკოინის ტრანზაქციის შემოწმება - ნაბიჯ-ნაბიჯ:

ბიტკოინის გადარიცხვის სტატუსის შემოწმება მარტივია და ის ხელმისაწვდომია ყველასათვის. იმისათვის, რომ BTC სტატუსი შეამოწმო, საჭიროა შემდეგი ოთხი ნაბიჯის შესრულება:

ნაბიჯი 1 - გამოიყენე TXID

TXID არის ყოველი ტრანზაქციისათვის მინიჭებული უნიკალური იდენტიფიკატორი. მისი პოვნა, კრიპტო საფულის თუ ბირჟის ტრანზაქციების ისტორიაშია შესაძლებელი. უმეტესობა პლატფორმებზე მისი მოძიება “ტრანზაქციების დეტალებში” არის შესაძლებელი.

ნაბიჯი 2 - გადადი შესაბამის პლატფორმაზე

იმისათვის, რომ გადარიცხვის სტატუსი ნახო, შესაბამისი ხელსაწყო დაგჭირდება. ყველაზე პოპულარული პლატფორმებია:

• Blockchair
• Blockchain.com
• BTCscan

ნაბიჯი 3 - ძებნა

პლატფორმის საძიებო ველში უნდა შეიყვანო გადარიცხვის TXID და დაკლიკო ძებნას.

ნაბიჯი 4 - შედეგების გაანალიზება

პლატფორმა რამოდენიმე მნიშვნელოვანი დეტალის შესახებ მოგაწვდის ინფორმაციას:

• გადარიცხვის სტატუსი (დადასტურებული, მოლოდინი და ა.შ.)
• დადასტურების რაოდენობა
• გაგზავნილი BTC რაოდენობა
• გამგზავნისა და მიმღების საფულის მისამართები
• გადარიცხვის დრო
• ინფორმაცია ბლოკის შესახებ (რომელ ბლოკში შეინახა ტრანზაქცია)

რა არის ბიტკოინის ტრანზაქციის ID (TXID)?

ბიტკოინის ტრანზაქციის ID, ან TXID, არის უნიკალური კოდი, რომელიც BTC ქსელში თითოეულ ტრანზაქციას ენიჭება. ის შეგვიძლია მივიჩნიოთ, როგორც ერთგვარი ციფრული ქვითარი, რომელიც აფიქსირებს და ამოწმებს საფულეებს შორის აქტივების გადაადგილებას. თითოეული TXID მუდმივად ინახება ბლოკჩეინში, რაც მას ერთდროულად გამჭვირვალე და უსაფრთხო კრიპტო აქტივად აქცევს.

სწორედ ეს იდენტიფიკატორი აძლევს ყველა ადამიანს საშუალებს, შეამოწმონ ტრანზაქციის სტატუსი, მათ შორის დადასტურების რაოდენობა, გადარიცხული აქტივების მოცულობა და გადარიცხვაში ჩაბმული მისამართები. ის განსაკუთრებით გამოსადეგია გადახდების გადამოწმებისას, ან დაგვიანებული ტრანზაქციებთან დაკავშირებული პრობლემების აღმოფხვრისას. კრიპტო პლატფორმების უმეტესობა, იქნება ეს საფულე თუ ბირჟა, ყოველ გადარიცხვას ავტომატურად ანიჭებს TXID-ის.

შესაბამისად, მომხმარებლებს ჩვეულებრივ შეუძლიათ მოძებნონ თავიანთი ოპერაციის TXID ტრანზაქციების ისტორიაში. ამ იდენტიფიკატორის კოპირებითა და მისი ბლოკჩეინ ექსპლორერში ჩასმით, შესაძლებელია ბიტკოინის კონკრეტულ ტრანზაქციასთან დაკავშირებით დეტალური ინფორმაციის მიღება.

რა არის ბიტკოინის ბლოკ ექსპლორერი?

Blockchain Explorer არის ონლაინ მოწყობილობა, რომელიც მომხმარებლებს საშუალებას აძლევს რეალურ დროში ნახონ თუ რა ხდება ბიტკოინის ბლოკჩეინში - რა ტიპის ინფორმაცია ინახება მასში და ა.შ. ისეთი პლატფორმები, როგორიც არის Blockchair, Blockchaincom და BTCscan, ფუნქციონირებენ როგორც ბლოკჩეინის ჩანაწერების საძიებო სისტემები. საფულის მისამართის, ტრანზაქციის ID-ის (TXID) ან ბლოკის ნომრის შეყვანით, მომხმარებელს შეუძლია მყისიერად იხილოს ტრანზაქციის ყველა დეტალი, დადასტურების რაოდენობა, საფულის ბალანსი და ა.შ.

ექსპლორერები ყველა იმ ადამიანისთვის კრიტიკულად მნიშვნელოვანია, რომლებიც კრიპტო ინდუსტრიაში რაიმე ფორმით არიან ჩაბმულნი. მათი წყალობით, ბლოკჩეინი სრულად გამჭვირვალე ხდება ნებისმიერი მსურველისთვის, რა დროსაც ჩვენ შეგვიძლია ვნახოთ, რა ეტაპზეა ტრანზაქცია, დადასტურდა ის თუ არა, რამდენი დრო სჭირდება გადარიცხვას დაახლოებით და სხვა.

ბლოკ ექსპლორერები განსაკუთრებით მნიშვნელოვან როლს თამაშობენ ტრანზაქციების სტატუსის შემოწმებაში, რადგანაც უმეტესობა მომხმარებლებისა პლატფორმებს სწორედ ამ მიზნით იყენებს. არ აქვს მნიშვნელობა ადამიანი დამწყებია თუ გამოცდილი, მათი გამოყენება ყველასათვის ერთნაირად მარტივია.

მოკლედ, ბლოკ ექსპლორერები ერთგვარ ფანჯარას წარმოადგენენ დეცენტრალიზაციასა და ბიტკოინის სამყაროებს შორის.

საუკეთესო Block Explorer-ები:

მომხმარებლებისათვის ხელმისაწვდომია უამრავი მოწყობილობა, თუმცა ბლოკ ექსპლორერებშიც არის გამორჩეული ვარიანტები:

• Blockchair – მარტივი ინტერფეისი, თანამედროვე ტიპის ვიჯეტებითა და მრავალ-ქსელიანი მხარდაჭერით.
• Blockchain.com – ერთ-ერთი ყველაზე პოპულარული და დამწყებ მომხმარებლებზე ორიენტირებული ექსპლორერი.
• BTCscan – მინიმალისტური და ჩქარი ექსპლორერი, რომელიც ტრანზაქციების სწრაფი შემოწმებისთვის შეიქმნა.
• Blockstream.info – ანონიმურობაზე ორიენტირებული ექსპლორერი, რომელიც ტექნიკური მონაცემების სიმრავლით, შედარებით გამოცდილ მომხმარებლებზეა ორიენტირებული.

ეს ხელსაწყოები არიან სანდო, უსაფრთხო და იდეალურნი, რათა მომხმარებლებმა მარტივად შეძლონ თავიანთი ბიტკოინის ტრანზაქციის გადამოწმება.

რამდენი დადასტურებაა საჭირო ჩარიცხვამდე?

დადასტურებების რაოდენობა დამოკიდებულია ტრანზაქციის მოცულობასა და მის დანიშნულებაზე. ბიტკოინის ტრანზაქცია დასტურდება მაშინ, როდესაც მაინერები შენს გადარიცხვას ვალიდურად მიიჩნევენ და მას ბლოკში დაამატებენ. ქვემოთ მოცემულია ზოგადი სახელმძღვანელო, რომელიც გვეხმარება გავიგოთ, რამდენი დადასტურება ითვლება “უსაფრთხოდ”, ანუ წარმატებულად:

• 1 დადასტურება როგორც წესი უკვე საკმარისია, განსაკუთრებით მიკრო ტრანზაქციბის შემთხვევაში.
• 3+ დადასტურება სჭირდება ისეთ გადარიცხვებს, რომლებიც ბირჟებისკენ მიემართება, რადგან თავიდან იქნას აცილებული ორმაგი გახარჯვის პრობლემა.
• 6 დადასტურება დიდი მოცულობის ტრანზაქციების შემთხვევაში ერთგვარ სტანდარტად ითვლება.

დადასტურების დრო შეიძლება განსხვავდებოდეს და დამოკიდებული იყოს ქსელის დატვირთულობაზე, ტრანზაქციის მოცულობასა და მის საკომისიოზე. მაღალი საკომისიო, როგორც წესი, უზრუნველყოფს ტრანზაქციის სწრაფად დადასტურებას და ბლოკში უფრო ჩქარა შეტანას, მაშინ როდესაც დაბალმა საკომისიომ შესაძლოა დაგვიანება გამოიწვიოს. თუ ტრანზაქცია დიდხანს არ დადასტურდა, მომხმარებელს TXID-ის დახმარებით შეუძლია მისი გადარიცხვა ბლოკ ექსპლორერში შეამოწმოს, რათა გაიგოს სად არის მისი ტრანზაქცია, რა ეტაპზეა ახლა ის და დაახლოებით როდის დადასტურდება.

რატომ შეიძლება შეყოვნდეს ბიტკოინის ტრანზაქცია?

ბიტკოინის დაგვიანებული ტრანზაქცია რამოდენიმე მიზეზით შეიძლება იქნას გამოწვეული. ერთ-ერთი მთავარი ფაქტორი, დაბალი საკომისიო გადასახადია. თუკი გამგზავნი დაბალ გადასახადს მიუთითებს, მაინერებმა შეიძლება სხვა, უფრო მაღალ საკომისიოიანი ტრანზაქცია დააპრიორიტეტონ, განსაკუთრებით გადატვირთული ქსელის პირობებში. ქსელის გადატვირთულობა ცალკე საკითხია. როდესაც ერთდროულად ბევრი მომხმარებელი ცდილობს, რომ ბიტკოინი გადარიცხოს, ეს ქსელში ერთგვარ საცობს ქმნის და დადასტურების დროც იზრდება.

თუ ტრანზაქციის საკომისიო დაბალია, ამან შეიძლება გადარიცხვის გაჭედვა გამოიწვიოს და ბიტკოინი საათები ან დღეებიც კი ვერ ჩაირიცხოს ადრესატის მისამართზე. ზოგიერთ შემთხვევაში, შესაძლოა ხელით გაუქმებაც კი გახდეს საჭირო.

დაგვიანებისა და ამგვარი პრობლემის თავიდან ასაცილებლად, მომხმარებლებმა უნდა შეამოწმონ რამდენად გადატვირთულია ქსელი, რამდენად სწორ მისამართზე გზავნიან აქტივს და ა.შ. მრავალი საფულე თუ ბირჟა ადამიანებს უკვე წინასწარ სთავაზობს ოპტიმალურ საკომისიოს, რომელიც საჭიროა გადარიცხვის დროულად დასადასტურებლად.

ბიტკოინის ტრანზაქცია უკან ბრუნდება?

არა, ბიტკოინის ტრანზაქცია შეუქცევადია. როდესაც გადარიცხვა დადასტურდება და ბლოკჩეინში დაემატება, ის უკვე შეუქცევად და შეუცვლელ ისტორიად იქცევა, რომლის უკან დაბრუნებაც შეუძლებელია. ეს ნიშნავს იმას, რომ თუ მომხმარებელი ქოინს არასწორ მისამართზე გადარიცხავს, მისი უკან დაბრუნება მიმღების კეთილ ნებაზეა დამოკიდებული.

სწორედ ეს შეუქცევადი ხასიათი გვაჩვენებს თუ რამდენად მნიშვნელოვანია გადარიცხვამდე ყველა უმცირესი დეტალის შემოწმება. ყოველთვის შეამოწმე მიმღების მისამართი, ტრანზაქციის მოცულობა და სხვა მსგავსი დეტალები.

კრიპტო ინდუსტრიაში დამწყები ადამიანებისათვის ეს პროცესი შეიძლება დამაბნევლად და დამაფრთხობლად გამოიყურებოდეს, თუმცა ეს ბლოკჩეინ უსაფრთხოების კრიტიკულად მნიშვნელოვანი შემადგენელი ნაწილია. ტრადიციული საბანკო სისტემებისგან განსხვავებით, სადაც გადარიცხვის გაუქმება შესაძლებელია, ბიტკოინი სრულიად სხვა ფილოსოფიაზე დგას. კარგი იქნება, თუ მომხმარებელი გადარიცხვებისას QR კოდს გამოიყენებს, ასე შეცდომის შანსი გაცილებით ნაკლებია. ასევე, კარგი იქნება სატესტო ტრანზაქციის შესრულება მცირე მოცულობით.

სად შეიძლება ბიტკოინის ყიდვა?

ბირჟებისა და შესაბამისი პლატფორმების სიმრავლის გამო, იქნება ეს Cryptal, Coinmania, Mycoins თუ Binance, ბიტკოინის ყიდვა ასე მარტივი და ხელმისაწვდომი არასდროს ყოფილა. თუმცა, ჩამოთვლილთაგან Cryptal სიმარტივით, სისწრაფითა და უსაფრთხოებით ყველასგან გამოირჩევა. მომხმარებლებს BTC ყიდვა შემდეგი მეთოდებით შეუძლიათ:

• კონვერტაცია - მარტივად და მომენტალურად, სულ რამოდენიმე კლიკით გადაცვალე სასურველი კრიპტო BTC-ში. ეს მეთოდი მყისიერია და ორიენტირებულია დამწყებთათვის, ციფრული ვალუტა სწრაფად, ზედმეტი პროცედურების გარეშე.
• Visa/Mastercard - კრიპტოს ყიდვა პირდაპირ, საბანკო ბარათების დახმარებით. უბრალოდ აირჩიე ბიტკოინი, შეიყვანე სასურველი რაოდენობა და სულ ეს არის, პირდაპირ ბარათის დახმარებით შეძლებ ციფრული აქტივის ყიდვას.
• Spot ბირჟა - მომხმარებლებს ბირჟაზე ბიტკოინის ყიდვა საუკეთესო ფასად შეუძლიათ. სხვა ყიდვა/გაყიდვის სურვილის მქონე ადამიანებთან ურთიერთობა კი, მარკეტ და ლიმიტ ორდერების დახმარებით უფრო მეტ ბერკეტს იძლევა.

ინტუიციური ინტერფეისის, სწრაფი ტრანზაქციებისა და დაბალი საკომისიოების წყალობით, Cryptal საქართველოს ნებისმიერ მოქალაქეს შესაძლებლობას აძლევს მარტივად, გამოცდილების გარეშე გადადგას პირველი ნაბიჯები კრიპტო ინდუსტრიაში.

შეჯამება - BTC გადარიცხვის შემოწმება მარტივია

ბიტკოინის გადარიცხვის შემოწმება ყველასათვის ხელმისაწვდომი და მარტივია. TXID-ისა და ნებისმიერი სანდო ბლოკ ექსპლორერის დახმარებით მარტივად არის შესაძლებელი ტრანზაქციის სტატუსის შემოწმება, რეგისტრაციებისა და დამატებითი ხელსაწყოების გადმოტვირთვის გარეშე. სწორედ ექსპლორერები გვთავაზობენ იმ კომფორტსა და მოხერხებულობას, რომელიც ნებისმიერი დეტალის მარტივად გადამოწმების საშუალებას გვაძლევს, იქნება ეს შეფერხება თუ სხვა რამ.

თუ გაქვს გადარიცხვის TXID, მაშინ შეგიძლია შეამოწმო, შენი ტრანზაქცია და მასთან დაკავშირებული ყველა დეტალი. სწორედ ეს ღია წყარო ქმნის სანდოობასა და გამჭვირვალობას, რომელსაც მომხმარებელი კრიპტო ეკოსისტემაში ასე ძალიან აფასებენ.

ბიტკოინი & ტრანზაქციები - ლექსიკონი:

• TXID (ტრანზაქციის ID) - უნიკალური კოდი, რომელიც ყველა ბიტკოინის ტრანზაქციას ენიჭება. მისი დახმარებით შეიძლება გადარიცხვის შესახებ ინფორმაციის მოპოვება.
• ბლოკ ექსპლორერი - ვებ-პლატფორმა, რომელიც ნებისმიერ მომხმარებელს საშუალებას აძლევს შეამოწმოს ბიტკოინის ტრანზაქციების სტატუსი.
• დადასტურება - როდესაც ტრანზაქცია წარმატებით დადასტურდება ქსელში ჩართული მაინერების მიერ და დაემატება ბლოკში. ანუ ბიტკოინი ადრესატამდე წარმატებით მივა.
• ბლოკი - ტრანზაქციების ინფორმაციის შემნახველი ადგილი, სადაც ყველა გადარიცხვა ერთად იყრის თავს, შემდგომ კი, თითოეული ბლოკი კავშირდება წინასა და მომდევნოსთან, რითაც ბლოკჩეინს, ანუ ჯაჭვს ქმნის.
• საკომისიო - არასავალდებულო, მაგრამ ხშირად მაინერებისათვის აუცილებელი გადასახადი, რომელიც უზრუნველყოფს ბიტკოინის ქსელში ტრანზაქციის პრიორიტეტულად დამუშავებასა და დადასტურებას.