Retrodrops - გამოიმუშავე უფასო კრიპტო

კრიპტო აქტივების სწრაფად ცვალებად გარემოში, იმისათვის რომ ინდუსტრიაზე ფეხის აწყობა მოვახერხოთ, ნათლად უნდა გვესმოდეს თუ როგორ უკავშირდებიან პროექტები თავიანთ საზოგადოებას და როგორ აჯილდოებენ მათ შესაძლებლობით, შეძლონ ფულის შოვნა. ამისათვის არსებობს ორი მარტივი სტრატეგია და მათ Airdrops და Retrodrops ჰქვიათ.

მიუხედავად იმისა, რომ ორივე მოიცავს მომხმარებლებისთვის უფასო ტოკენების დარიგებას, მათი მიზნები, მეთოდები და მიმღებნი მნიშვნელოვნად განსხვავდებიან. ამ სტატიაში ვისაუბრებთ ეირდროპებისა და რეტროდროპების დეტალებზე, როგორ განსხვავდებიან ისინი და რა შესაძლებლობებს სთავაზობენ მომხმარებელს. ასევე, ვისაუბრებთ იმ მოწყობილობების შესახებ, რომლებიც ადამიანებს რეტროდროპების პოვნაში და ფულის გამომუშავებაში დაეხმარებიან.

რა არის Retrodrop? - ფულის გამომუშავება

Retrodrop გულისხმობს მომხმარებლებისთვის ტოკენების მიზნობრივ განაწილებას, მათი რომელიმე კონკრეტულ პლატფორმასთან წარსული ინტერაქციიდან ან ქმედებიდან გამომდინარე. Airdrop-ებისგან განსხვავებით, რომლებიც ხშირად ფართო და ზოგადია, Retrodrop-ები უფრო კონკრეტული და ფოკუსირებულია იმ მომხმარებლებზე, რომლებმაც დროთა განმავლობაში გამოიჩინეს ლოიალურობა და მნიშვნელოვანი მონაწილეობა მიიღეს პროექტის განვითარებაში.

Retrodrop-ის უმთავრესი დანიშნულება ერთგული და აქტიური მომხმარებლების დასაჩუქრებაა. კრიპტო აქტივების განაწილება კი, შემდეგ მიზნებს ისახავს:

• მონაწილეთა წვლილის დაფასება
• მონაწილეთა ჩართულობის გაძლიერება
• მომავალი აქტიურობის წახალისება
  იმ წვლილის დაფასებით, რომელიც მომხმარებელმა პროექტის ადრეულ ეტაპზე გამოიჩინა, Retrodrop იხვეჭს სანდოობას და რეალურად აჯილდოებს აქტიურ მომხმარებელს.

რეტროდროპის მიღების უფლება, როგორც წესი, დამოკიდებულია ბლოკჩეინზე აქტივობასა და პლატფორმის გამოყენებაზე. ზოგიერთი გავრცელებული ფაქტორი მოიცავს:

• სავაჭრო ბრუნვა
• კრიპტო ტრანზაქციების რაოდენობა
• სტეიკინგი
• სამმართველო ოპერაციებში მონაწილეობა

მიდგომა უზრუნველყოფს, რომ ჯილდოები მიდის ყველაზე თავდადებულ და ღირებულ მომხმარებლებთან, რაც შესაბამისობაშია პროექტის ზრდის სტიმულებთან.

მიდგომა უზრუნველყოფს იმას, რომ ჯილდო მიემართოს ყველაზე ერთგულ და აქტიურ მომხმარებლებთან.

რატომ არის Retrodrops ღირებული?

• დაჯილდოება

Retrodrop-ები წარმოადგენენ მძლავრ მექანიზმს იმ მომხმარებლების დაფასებისა და დაჯილდოებისთვის, რომლებმაც პროექტის მიმართ ერთგულება გამოიჩინეს და მნიშვნელოვანი ჩართულობა გამოავლინეს. წარსული აქტივობების საფუძველზე ტოკენების განაწილებით, პროექტებს შეუძლიათ თავიანთ მომხმარებლებთან უფრო მჭიდრო კავშირი დაამყარონ და გულწრფელი მადლიერება გამოხატონ. ასეთი სახის აღიარება არა მხოლოდ მომხმარებლების ნდობას აძლიერებს, არამედ სტიმულს სძენს მათ მომავალ აქტივობასა და ჩართულობასაც.

• მონაწილეობის წახალისება

მომხმარებელთა წარსული ინტერაქციის საფუძველზე დაჯილდოებით, Retrodrop-ები ქმნიან ერთგვარ პოზიტიურ პრეცედენტს, რომელიც ხელს უწყობს მუდმივ აქტიურობასა და ჩართულობას. როდესაც მომხმარებლები აცნობიერებენ, რომ მათი ჩართულობა და წვლილი ფასდება, ისინი უფრო მეტად მოტივირებულნი იქნებიან კვლავ გააგრძელონ პროექტში მონაწილეობა და მის განვითარებაში წვლილი შეიტანონ. მიდგომა ხელს უწყობს ერთგული და აქტიური საზოგადოების ჩამოყალიბებას, რაც საბოლოო ჯამში პროექტს გრძელვადიან პერიოდში ძალიან ეხმარება.

• მომხმარებლების გაძლიერება

Retrodrop-ები პროექტის ერთგულებას წარმოაჩენენ მასში ჩართული მომხმარებლების მიმართ. იმ ადამიანების დაფასებითა და დაჯილდოებით, რომლებმაც წვლილი შეიტანეს პლატფორმის წარმატებაში, პროექტებს შეუძლიათ გაზარდონ ნდობა და გააძლიერონ თანაჩართულობა. ეს ნდობა კი, ხშირად გარდაიქმნება მხარდაჭერად, რაც პროექტის გრძელვადიანი განვითარებისთვის კრიტიკულად აუცილებელია.

როგორ მივიღო მონაწილეობა Retrodrop-ში? - ნაბიჯ-ნაბიჯ გზამკვლევი:

dApps და Testnets-ებში ადრეულ ეტაპზე მონაწილეობა

მნიშვნელოვანია პროექტში ადრეულ ეტაპზე ჩართვა. მიიღე მონაწილეობა dApps-ების მუშაობაში მანამ, სანამ ისინი ადრეულ ეტაპზე არიან და ჯერ კიდევ ტესტირებას გადიან. ეს პროექტისთვის აჩვენებს იმას, რომ მომხმარებელი რეალურად არის დაინტერესებული.

✅ მაგალითი: სცადე DeFi პროტოკოლები, დეცენტრალიზებული კრიპტო ბირჟები, NFT პლატფორმები, L2 გადაწყვეტილებები, რომლებსაც თავიანთი ტოკენი ჯერ არ გამოუშვიათ.

კრიპტოს გადარიცხვა ახალ ბლოკჩეინზე

Retrodrop-ებში მონაწილეობის მიღების ერთ-ერთი გზა L1 ან L2 ქსელში ოფიციალური პლატფორმებიდან აქტივების გადატანაა. ბლოკჩეინიდან ბლოკჩეინზე მოძრავი კრიპტო აქტივები მომხმარებლის რეალურ ჩართულობას აჩვენებს.

✅ მაგალითი: გამოიყენე ისეთი ქსელთა-შორისი ხიდები, როგორებიც Hop, LayerZero, zkSync, Starknet და Scroll არიან.

სამმართველო პროცესებში ჩართულობა

მნიშვნელოვანია პროექტის განვითარებაში მონაწილეობა და სხვადასხვა სამმართველო პროცესებში ჩართულობა. სხვადასხვა გადაწყვეტილებებზე ხმის მიცემა და საკუთარი აზრის დაფიქსირება, მნიშვნელოვანია ყველა პროექტისათვის.

ლიკვიდურობის მიწოდება ან სტეიკინგი

დეცენტრალიზებულ ბირჟებზე ლიკვიდურობის მიწოდებით ან სტეიკინგით მხარი დაუჭირეთ ეკოსისტემის ზრდას. ეს აღრმავებს თქვენს ჩართულობას და შანსებს, მიიღო უფასო კრიპტო.

Testnet-ებში მონაწილეობა

იპოვე პროგრამები და პროექტები, რომლებიც ტესტირების სანაცვლოდ მომხმარებლებს აჯილდოებენ. მომხმარებლის მიერ განხორციელებული აქტივობა ყველა დეველოპერისთვის მარტივად სანახავია.

სოციალურ კამპანიებში ჩართულობა

შეასრულე ისეთი დავალებები, როგორებიც არის დაფოლოვება, გამოწერა, დალაიქება ან სხვა მსგავსი სოციალურ პლატფორმებთან დაკავშირებული აქტივობები.

Retrodrop-ების საპოვნელი ხელსაწყოები:

იმისათვის, რომ მომხმარებლებმა Retrodrop-ებსა და Airdrop-ებს მარტივად მიაკვლიონ და ფულის შოვნა შეძლონ, დამხმარე ხელსაწყოები არსებობს:

• Airdrop ტრეკერი (Airdrop.io, Earnifi, DappRadar)
• DeBank ან Zapper პორტფელის მონიტორინგისთვის
• Galxe/Zealy სოციალურ აქტივობებთან დაკავშირებული მისიებისთვის
• Discord/Telegram სიახლეებისთვის

Retrodrop-ის ცნობილი მაგალითი

1inch ქსელის რეტროდროპი

2020 წლის დეკემბერში, 1inch-მა, დეცენტრალიზებული საბირჟო აგრეგატორმა, რეტროდროპი განახორციელა 1INCH ტოკენების მომხმარებლებთან დარიგებით, მათი პლატფორმაზე ისტორიული სავაჭრო მოცულობის საფუძველზე. ინიციატივა შეიქმნა იმ ერთგული მომხმარებლების დასაჯილდოებლად, რომლებმაც აქტიურად შეიტანეს თავიანთი წვლილი ლიკვიდურობის მიწოდებასა და სავაჭრო აქტივობის გაზრდაში. რეტროდროპმა არა მხოლოდ გააძლიერა მომხმარებლების პროექტისადმი ერთგულება, არამედ პლატფორმასთან განგრძობადი ურთიერთობის ერთგვარ სტიმულადაც გადაიქცა.

Retrodrop & Airdrop - რას უნდა მიაქციო ყურადღება

ინტერნეტში ხშირად არის მოწოდებები, იუთუბით ფულის შოვნა, ფულის შოვნა სწრაფად და სხვა მსგავსი. მაშინ, როდესაც კრიპტო პროექტები ამით მომხმარებლებს იზიდავენ და მათ გარკვეული ქმედებების სანაცვლოდ აჯილდოებენ, ზოგჯერ მათ უკან დაფარული საფრთხეა. თუ მომხმარებელი სიფრთხილეს არ გამოიჩენს, რეალური შანსია დაკარგოს უფასო კრიპტო, რომლის გამომუშავებაზეც იშრომა. ეს რომ არ მოხდეს, მნიშვნელოვანია ყურადღება მივაქციოთ რამოდენიმე ფაქტორს:

• პირადი ინფორმაციის აქტიურად მოთხოვნა

ფრთხილად იყავით ისეთი ეარდროფების მიმართ, რომლებიც ზედმეტ პერსონალურ ინფორმაციას მოითხოვენ. ლეგიტიმურ და რეალურ პროექტებს არასდროს დასჭირდებათ მომხმარებლის სრული ბიოგრაფია ან ისეთი სენსიტიური დეტალები, როგორიცაა ოჯახის წევრების პერსონალური ინფორმაცია. დაიმახსოვრე, თუკი პროექტი პირად გასაღებს ითხოვს, ეს აუცილებლად Red Flag უნდა იყოს.

• ოფიციალური ინფორმაციის ნაკლებობა

ლეგიტიმური და რეალური აირდროპები მომხმარებლებს ოფიციალური არხებიდან გამჭვირვალე კომუნიკაციას სთავაზობენ. თუ არ არსებობს ოფიციალური განცხადება ან სოციალურ ქსელში რაიმე პოსტი, ეს უკვე საგანგაშო ნიშანია. ნამდვილი პროექტები ცდილობენ შეინარჩუნონ მყარი რეპუტაცია - სწორედ ამიტომ, ისინი უზრულვეყოფენ მომხმარებლების სათანადო ინფორმირებულობას ტოკენების განაწილების ან სხვა ნებისმიერი სიახლის შესახებ.

• გაზვიადებული დაპირებები

თუ Airdrop გპირდებათ უზარმაზარ მოგებას ან ზედმეტად კარგად ჟღერს იმისთვის, რომ ნამდვილი იყოს, სავარაუდოდ ასეც არის. კრიპტო სამყარო თავისთავად შეიცავს რისკებს და გადაჭარბებული დაპირებები ხშირად თაღლითობის ნიშანია. უფრო გონივრულია ენდოთ პროექტებს, რომლებიც ნაკლებს ჰპირდებიან და მეტს აკეთებენ.

• სოციალური ქსელების არაოფიციალური ანგარიშები

ყოველთვის გადაამოწმეთ აირდროპთან დაკავშირებული სოციალური მედიის ანგარიშების ავთენტურობა. თაღლითები ხშირად ქმნიან ყალბ პროფილებს ლეგიტიმური კრიპტო პროექტების იმიტაციის მიზნით. ყურადღება მიაქციეთ ბოტების კომენტარებს და საეჭვო ჩართულობას, რადგან ისინი მნიშვნელოვანი საგანგაშო ნიშნებია. მოძებნეთ ვერიფიკაციის სიმბოლო და გადაამოწმეთ ინფორმაცია სხვადასხვა სანდო პლატფორმაზე, რათა დარწმუნდეთ, რომ ნამდვილ პროექტთან გაქვთ საქმე.

შეჯამება

კრიპტო აქტივები და ზოგადად, მთლიანი ინდუსტრიის განვითარება ნიშნავს, რომ Retrodrop-ებსაც უფრო ხშირად და აქტიურად უნდა ველოდეთ. ერთ დროს ცნობილი, როგორც უბრალოდ მარტივი მარკეტინგული კამპანია, Retrodrop-ები ახლა მომხმარებლების დაფასებასა და დაჯილდოებაში მნიშვნელოვანი მექანიზმი ხდება, განსაკუთრებით მაშინ, როდესაც ბოლო წლებში მნიშვნელოვანი Retrodrop-ები ვნახეთ.

განვლილი გზის მიხედვით, შეგვიძლია ვთქვათ, რომ Retrodrop-ებს Web3 ეკოსისტემაში მნიშვნელოვანი როლი ექნებათ მომავალშიც. მათ აქვთ პოტენციალი, რომ პროექტის გარშემო არსებულ მომხმარებლებს შორის მნიშვნელოვან ინსტრუმენტად გადაიქცნენ, განსაკუთრებით ახალი პროექტებისთვის.

თუმცა, მნიშვნელოვანია ერიდროპებისა და რეტროდროპების მიმართ სიფრთხილის გამოჩენა. ყოველთვის დარწმუნდი, რომ ამა თუ იმ პროექტს თან რაიმე Red Flag არ ახლავს და ყველაფერი გამჭვირვალედ არის ნაჩვენები.