ოქროს ფასი გაიზარდა - ბიტკოინი მიჰვყება?

ოქროს ფასი ბოლო კვირებში რეკორდულ ნიშნულზე ავიდა და ახალ ისტორიულ მაქსიმუმს მიაღწია, რადგან ინვესტორები არასტაბილურ გარემოში სტაბილურობას ეძებენ. ტრადიციულად აღქმული როგორც უძველესი „უსაფრთხო თავშესაფარი“, ოქროს ზრდამ თავიდან წამოწია კითხვა: თუ ოქრო იზრდება, მიჰყვება თუ არა ბიტკოინი, რომელსაც ხშირად „ციფრული ოქრო“ ეწოდება, იგივე ტრაექტორიას?

ეს კითხვა მნიშვნელოვანია, რადგან ორივე აქტივი განიხილება ფიატ ვალუტის ალტერნატივად და ინფლაციისგან დაცვის საშუალებად, თუმცა მათი საბაზრო ქცევა იდენტური არ არის. თუ ოქროს ფასს ძირითადად ცენტრალური ბანკები, მონეტარული პოლიტიკა და გლობალური მოთხოვნა განსაზღვრავს, ბიტკოინის დინამიკა უფრო მეტად ინვესტორთა განწყობაზე, ლიკვიდურობის ციკლებზე და მიღების ტენდენციებზეა დამოკიდებული.

მანამდე კი, გაიგე მარტივად რა არის ბიტკოინი და უკეთ გაეცანი ამ კრიპტო აქტივის შესაძლებლობებს.

ოქროს მიმდინარე ზრდა: რა განაპირობებს მას?

2025 წლის სექტემბერში ოქრომ გადააჭარბა 2,700 აშშ დოლარს, დაამყარა ახალი რეკორდი და კიდევ ერთხელ წარმოაჩინა, რომ ის მსოფლიოს ერთ-ერთი წამყვანი უსაფრთხო აქტივია. ამ ზრდას რამდენიმე მთავარი ფაქტორი განაპირობებს.

პირველი, გრძელვადიანი ინფლაციური ზეწოლა და მოლოდინი საპროცენტო განაკვეთების შემცირებაზე ინვესტორებს უბიძგებს მყარ აქტივებში თავშესაფრის ძიებისკენ.

მეორე, ცენტრალური ბანკები, განსაკუთრებით აზიასა და განვითარებად ბაზრებზე, აგრძელებენ ოქროს შეძენას დოლარის სუსტი პოზიციისა და გეოპოლიტიკური რისკების წინააღმდეგ.

მესამე, გლობალური გაურკვევლობები, მათ შორის სავაჭრო დაძაბულობა და ეკონომიკური ზრდის შენელება, აძლიერებს მოთხოვნას უსაფრთხო თავშესაფარზე.

მეოთხე, დოლარის სუსტი ინდექსი უცხოელებისთვის ოქროს უფრო ხელმისაწვდომს ხდის. ეს ფაქტორები ქმნის იდეალურ გარემოს ოქროს ისტორიული ზრდისთვის და აჩენს კითხვას, შეძლებს თუ არა ბიტკოინიც მსგავს სარგებელს?

ოქრო vs ბიტკოინი: ისტორიული კავშირი

ოქროსა და ბიტკოინს შორის კავშირი დიდი ხანია სასაუბრო საგანია, ხოლო ბიტკოინს ხშირად „ციფრული ოქრო“ უწოდებენ. ისტორიულად, ამ ორ აქტივს შორის მოკლევადიანი კორელაცია ხშირად ჩნდებოდა ეკონომიკური სტრესის პერიოდში, თუმცა ურთიერთობა არასოდეს ყოფილა სტაბილური.

მაგალითად, 2020 წლის პანდემიით გამოწვეული შოკის დროს ორივე აქტივი გაიზარდა, რადგან ინვესტორები ინფლაციისგან დაცვის საშუალებებს ეძებდნენ, მაგრამ 2022–2023 წლებში ბიტკოინი განცალკევდა და უფრო მეტად მაღალი რისკის მქონე ტექნოლოგიურ აქტივად წარმოჩინდა ბევრი ადამიანის თვალში. მიმდინარე მონაცემებით, 30-დღიანი კორელაცია ოქროსა და ბიტკოინს შორის ნულთან ახლოს მერყეობს, რაც სუსტ კავშირს მიუთითებს.

თუმცა, უფრო გრძელვადიან პერიოდში 90-დღიანი კორელაცია ზოგჯერ იზრდება, რაც ასახავს ინვესტორთა საერთო განწყობას ინფლაციისგან და ფულის გაუფასურებისგან დაცვისკენ. ანალიტიკოსები ასევე აკვირდებიან ოქრო-ბიტკოინის თანაფარდობას, რომელიც აჩვენებს რამდენი უნცია ოქროა საჭირო 1 BTC-ის შესაძენად და ამით ასახავს აქტივების შედარებით ღირებულების ცვლილებას.

არგუმენტები რატომ შეიძლება ბიტკოინი შეუერთდეს ოქროს გზას?

მიუხედავად იმისა, რომ მოკლევადიანი კორელაცია სუსტია, არსებობს რამდენიმე არგუმენტი, რის გამოც ბიტკოინმა შესაძლოა ოქროს ტრაექტორია გაიმეოროს მომდევნო თვეებში.

პირველ რიგში, ორივე აქტივი აღიქმება როგორც ინფლაციისგან დაცვის საშუალება, რაც ინვესტორებს იზიდავს ფიატ ვალუტის გაუფასურების პირობებში.

მეორე - ანალიტიკოსების ნაწილი მიუთითებს დაგვიანებულ ფასის რეაქციაზე, სადაც ბიტკოინი ხშირად იწყებს ზრდას რამდენიმე თვეში ოქროს რეკორდული ზრდის შემდეგ.

მესამე - ინსტიტუციური ინვესტორები, რომლებიც ქმნიან დივერსიფიცირებულ სტრატეგიებს, შესაძლოა გაზარდონ ბიტკოინში პოზიციები ოქროს პარალელურად, განსაკუთრებით მას შემდეგ, რაც რეგულირებულ ETF-ზე უფრო მარტივი წვდომა არსებობს.

ბოლოს, ბიტკოინის სიმცირე, 21 მილიონი მონეტით შეზღუდული მიწოდება, იმეორებს ოქროს ფიზიკურ სიმცირეს და აძლიერებს „ციფრული ოქროს“ ნარატივს. თუ მაკროეკონომიკური პირობები შენარჩუნდება, ბიტკოინიც შეიძლება იმავე გზას გაუდგეს და უსაფრთხო თავშესაფრის ალტერნატივად მოგვევლინოს.

არგუმენტები რატომ შეიძლება ბიტკოინი ვერ შეუერთდეს ოქროსს გზას

მიუხედავად იმისა, რომ „ციფრული ოქროს“ თეზისი მიმზიდველად ჟღერს, არსებობს რამდენიმე მიზეზი, რის გამოც ბიტკოინმა შესაძლოა ვერ გაიმეოროს ოქროს ზრდა.

პირველ რიგში, ბიტკოინი ბევრად უფრო მერყევია, ვიდრე ოქრო და ხშირად განიცდის ორნიშნა ცვლილებებს დროის მოკლე პერიოდში, რაც მას ნაკლებად სანდო უსაფრთხო თავშესაფრად აქცევს.

მეორე, ბიტკოინის ფასზე ძლიერად მოქმედებს სპეკულაციური ვაჭრობა და ლიკვიდურობის ციკლები, მაშინ როცა ოქროს მოძრაობა დიდწილად ცენტრალური ბანკების პოლიტიკასა და გრძელვადიან მოთხოვნაზეა დამოკიდებული.

მესამე, რეგულაციური გარემო დამატებით გაურკვევლობას ქმნის: მკაცრი წესები ან შეზღუდვები შეიძლება ბიტკოინის ზრდას ხელი შეუშალოს, მიუხედავად იმისა, რომ ოქრო აგრძელებს ზრდას.

ეს განსხვავებები აჩვენებს, რომ მიუხედავად პარალელებისა, ბიტკოინის ბაზრის სტრუქტურა და კატალიზატორები მკვეთრად განსხვავდება ოქროსგან.

რას ამბობენ ექსპერტები?

აზრის ანალიტიკოსების აზრი კითხვაზე, გაჰყვება თუ არა ბიტკოინი ოქროს ისტორიულ ზრდას, ორად არის გაყოფილი. ოპტიმისტი ექსპერტების ნაწილი ამტკიცებს, რომ ბიტკოინი ხშირად მიჰყვება ოქროს 3–4 თვის დაგვიანებით, და თუ ეს წესი გამეორდა, BTC-ს შეუძლია 120,000–130,000 დოლარის დიაპაზონისდაფიქსირება 2026 წლის დასაწყისში.

თუმცა უფრო ფრთხილი ექსპერტები ამბობენ, რომ ბოლო წლებში ბიტკოინი სულ უფრო მეტად დაშორდა ოქროს, და მისი ქცევა უფრო ჰგავს მაღალი რისკის ტექნოლოგიურ აქტივს, რომელთა ფასზეც გავლენას ახდენს რეგულაციები, საინვესტიციო განწყობა და ლიკვიდურობა. CME Group-ის ანგარიშები ხაზს უსვამს განსხვავებას: მაშინ, როცა ოქრო სარგებლობს ინსტიტუციური სტაბილურობით, ბიტკოინი რჩება სპეკულაციურ აქტივად, რომელიც მგრძნობიარეა მოულოდნელი რყევების მიმართ.

საბოლოოდ, კონსენსუსი არ არსებობს, ოქროს ზრდა მნიშვნელოვანი მოვლენაა, მაგრამ ბიტკოინის პერსპექტივა დიდწილად კრიპტოსპეციფიკურ ფაქტორებზეა დამოკიდებული.

დამატებითი ფაქტორები

ბიტკოინის უნარი მიჰყვეს ოქროს ზრდას დამოკიდებულია როგორც მაკროეკონომიკურ, ისე კრიპტოსპეციფიკურ ფაქტორებზე. თუ ინფლაცია მაღალი დარჩება, ცენტრალური ბანკები შეამცირებენ საპროცენტო განაკვეთებს და დოლარი კიდევ უფრო დასუსტდება, ბიტკოინმაც შეიძლება ისევე ისარგებლოს, როგორც ოქრომ - ფიატ ფულის ალტერნატიული საცავი.

თუმცა კრიპტო ბაზარი შეიცავს უნიკალურ რისკებს: რეგულაციების გამკაცრება, ბირჟების ჩავარდნა ან უსაფრთხოების ინციდენტებმა შეიძლება შეაფერხოს ბიტკოინის ზრდა, მაშინაც კი, თუ ოქრო აგრძელებს რეკორდების დამყარებას.

ასევე გასათვალისწინებელია ბიტკოინის მაღალი მერყეობა, სადაც შეიძლება სწრაფად გაზარდოს ფასი და შემდეგ მკვეთრად შემცირდეს, რაც ართულებს მის აღქმას, როგორც სტაბილურ აქტივს.

ინვესტორებმა ყურადღება უნდა მიაქციონ ოქრო/ბიტკოინის თანაფარდობას და კორელაციის მაჩვენებლებს: ერთდროული ზრდა გაამყარებს „ციფრული ოქროს“ ნარატივს, ხოლო გაგრძელებული განცალკევება დაადასტურებს, რომ ბიტკოინი საკუთარი დამოუკიდებელი გზით მოქმედებს.

შეჯამება

ოქროს ახალი რეკორდული ზრდა კიდევ ერთხელ აჩვენებს მის როლს, როგორც უსაფრთხო თავშესაფარს, მაშინ როცა ბიტკოინი კვლავ ებრძვის კორელაციისა და იდენტობის კითხვებს.

მიუხედავად იმისა, რომ ორივე აქტივი ხშირად მოიხსენიება როგორც ინფლაციისგან დაცვის საშუალება, მათი ბაზრის ქცევა უფრო ხშირად განსხვავდება, ვიდრე ემთხვევა. ბიტკოინის მომავალი ოქროს კვალდაკვალ შეიძლება განვითარდეს შეზღუდული მიწოდებისა და „ციფრული ოქროს“ ნარატივის გამო, თუმცა მაღალი მერყეობა, სპეკულაციური მოთხოვნა და რეგულაციები იმავე სიძლიერით წარმოადგენს დაბრკოლებას.

ამ ეტაპზე, როცა ოქრო ისტორიულ მაქსიმუმს აღწევს, ბიტკოინი კონსოლიდაციის ფაზაში რჩება, რაც სიფრთხილეს მოითხოვს. ინვესტორებისთვის მთავარი სიგნალებია ცენტრალური ბანკების პოლიტიკა, ინფლაციის მაჩვენებლები, დოლარის პოზიცია და კრიპტო ბაზრის შიდა სიახლეები.

საბოლოოდ, ბიტკოინის გზა შესაძლოა ნაწილობრივ ემთხვეოდეს ოქროს ტრაექტორიას, მაგრამ ის მაინც რჩება დამოუკიდებელ ბაზრად, საკუთარი რისკებითა და შესაძლებლობებით.