10 minutes
გაზიარებამარტივად: რა არის ბიტკოინი?
2008 წლის ეკონომიკურმა კრიზისმა აჩვენა, რომ ტრადიციული საფინანსო სისტემა საკმაოდ რისკიანი და ფინანსური რყევებისკენ მიდრეკილი ეკოსისტემაა.
სწორედ 2008 წლის გლობალური ეკონომიკური კრიზისის შემდგომ წარმოიშვა ბიტკოინი, როგორც რევოლუციური ციფრული აქტივი. მისი მიზანი მსოფლიო დეცენტრალიზებული საფინანსო სისტემის შექმნა იყო, სადაც მომხმარებლებს წვდომა ერთმანეთთან პირდაპირ, უსაფრთხო და დაცული ქსელის მეშვეობით ექნებოდათ. ამის შემდგომ ბიტკოინი საფინანსო სისტემის რევოლუციას იწყებს.
რა არის ბიტკოინი?
მსოფლიოში პირველი დეცენტრალიზებული კრიპტოვალუტა ბიტკოინი, 2009 წლეს შეიქმნა უცნობი ადამიანის ან ადამიანთა ჯგუფის მიერ, რომელიც სატოში ნაკამოტოს ფსევდონიმით გახდა ცნობილი ინტერნეტ სივრცეში. მას შემდგომ, ბიტკოინი გახდა ყველაზე ცნობილი და პოპულარული კრიპტო აქტივი, რომელსაც დღეის მდგომარეობით უკვე აქვს ნახევარ მილიარდ დოლარზე მეტი საბაზრო კაპიტალიზაცია.
ბიტკოინის (BTC) გამოყენება რამოდენიმე დანიშნულებით არის შესაძლებელი, იქნება ეს სხვადასხვა სერვისებისა თუ პროდუქტების ყიდვა, თრეიდინგი თუ სხვისთვის მისი გაგზავნა, როგორც გადახდის საშუალება.
მაგალითად, ბიტკოინი ამარტივებს საერთაშორისო გადარიცხვებს, რომელიც ტრადიციული ვალუტების შემთხვევაში, იქნება დოლარი თუ ევრო, ბევრ პროცედურასთან და საკომისიოებთან არის დაკავშირებული.
ბიტკოინის ერთ-ერთი გამორჩეული ტექნოლოგია მის ბლოკჩეინ ქსელში მდგომარეობს. ბლოკჩეინი არის ციფრული სივრცე, სადაც ინახება და აღირიცხება ყველა განხორციელებული ტრანზაქცია, რომელზედაც თვალის დევნება ნებისმიერ ადამიანს შეუძლია. ბლოკჩეინს ზურგს უმაგრებს ქსელში ჩაბმული უამრავი მოწყობილობა და ადამიანი, რაც მას დაცულს ხდის გარეგანი ჩარევებისა და მანიპულაციებისგან. პარალელურად კი, საშუალებას აძლევს ორ ადამიანს პირდაპირ ჰქონდეთ ერთმანეთთან გადარიცხვები, მესამე მხარის დახმარების გარეშე.
სწორედ დაცულობისა და გამჭვირვალობის გამო, ბიტკოინს უამრავი მხარდამჭერი ჰყავს. როგორც მილიარდერმა ინვესტორმა მარკ კუბანმა თქვა:
„ბიტკოინი ოქროს ჰგავს ერთი ფუნდამენტური სხვაობით, ოქრო ფიზიკური აქტივია, ბიტკოინი კი - ციფრული“
რა სარგებელი მოაქვს ბიტკოინს?
- დეცენტრალიზებული
ბიტკოინი დეცენტრალიზებული ციფრული კრიპტოვალუტაა, რაც ნიშნავს იმას, რომ მასზე კონტროლი არ აქვს რომელიმე ცენტრალიზებულ, ერთ ორგანოს. გარდა ფინანსური თავისუფლებისა, დეცენტრალიზებულობა იძლევა უსაფრთხოების მაღალ დონეს, რადგანაც ყოველი ტრანზაქცია უცვლელად აისახება ქსელში და მისი მანიპულირება შეუძლებელია.
- დაბალი საკომისიო
ბიტკოინის ტრანზაქციები ტრადიციულ საბანკო ტრანზაქციებთან შედარებით, იქნება ეს ლარში, დოლარში თუ ევროში, გამოირჩევა დაბალი საკომისიოებით.
- ანონიმური
კრიპტოვალუტების ერთ-ერთი მთავარი უპირატესობა ანონიმურობაა, რაც ინდივიდისთვის ფინანსური თავისუფლების მნიშვნელოვანი საწყისია.
- საინვესტიციო პოტენციალი
ბიტკოინის გამოჩენიდან დღემდე, კრიპტოვალუტამ ფასში საგრძნობი ზრდა აჩვენა. ეს კი თრეიდერებისა და ინვესტორებისათვის მიმზიდველი ფაქტორია.
მაგალითად, 2020 წლის აპრილში ერთი ბიტკოინის ფასი საშუალოდ $9000-მდე იყო, ხოლო 2023 წლის აპრილში - $28 000 ფარგლებში მერყეობს.
როგორ ვიყიდო ბიტკოინი მარტივად?
რეგისტრაციის შემდგომ უკვე შეგიძლია შენს კრიპტალის ანგარიშზე შეიტანო თანხა საბანკო გადარიცხვისა და Visa & Mastercard ბარათების გამოყენებით. კრიპტოს ყიდვისთვის კი, ორი გზა არსებობს - სწრაფი გადაცვლა და Spot ბირჟა.
თუ დეტალურად გაინტერესებს ინსტრუქცია, შეგიძლია ჩვენი ბლოგი წაიკითხო.
როგორ გამოვიმუშაოთ პასიური შემოსავალი ბიტკოინის (BTC) დახმარებით?
ტრადიციული საბანკო ანაბრის მსგავსად, კრიპტალზე შესაძლებელია კრიპტო სტეიკინგის დაწყება - მეტი მოქნილობითა და სარგებლით.
კრიპტო სტეიკინგი არის Cryptal-ის ერთ-ერთი სერვისი, რომლის მეშვეობითაც თქვენს კრიპტო აქტივებს ინახავთ ციფრულ საფულეში თქვენს მიერ განსაზღვრული დროის გარკვეული პერიოდით და ამით ეხმარებით ბლოკჩეინ ქსელს მუშაობაში, პარალელურად კი - გამოიმუშავებთ დარიცხულ სარგებელს.
რა უპირატესობები აქვს კრიპტო სტეიკინგს?
- სარგებლის მაღალი განაკვეთი
- სარგებლის ყოველდღიური დარიცხვა
- აქტივებისა და კრიპტოს ნებისმიერ დროს გატანა
თუ კრიპტო სტეიკინგის დაწყება მოგინდა და არ იცი როგორ გააკეთო ეს, ჩვენი ბლოგი დაგეხმარება:
შეჯამება:
ბიტკოინი არის მომავლის ციფრული ვალუტა. არ აქვს მნიშვნელობა, ჩართული ხარ თუ არა ინვესტირებაში, თრეიდინგში ან დაიწყე თუ არა კრიპტო სტეიკინგი, ბიტკოინმა თანამედროვე საფინანსო სისტემაზე და ადამიანების ფინანსურ თავისუფლებაზე დიდი გავლენა უკვე იქონია.
თუ ბიტკოინის ყიდვა ან გაყიდვა მოგინდა, Cryptal ყველაზე მარტივი არჩევანია, სადაც თანხის გამომუშავება არა მარტო თრეიდინგით, არამედ კრიპტო სტეიკინგის დაწყებით და სარგებლის დაგროვებითაც არის შესაძლებელი.