შესავალი - ბიტკოინის ვარიაციები

ბიტკოინი, მისი 2009 წელს გაშვებიდან დღემდე, კრიპტო რევოლუციის ნამდვილი ფლაგმანია და ადამიანებისთვის ინსპირაციის წყაროს წარმოადგენს, შექმნან მისი სხვადასხვა ვარიანტები. დეველოპერებმა თუ ციფრული ვალუტებით დაინტერესებულმა საზოგადოებამ, ბიტკოინის ისეთ შეზღუდვებთან გასამკლავებლად, როგორიც არის სიჩქარე, მოცულობა თუ მაინინგი, შექმნეს უამრავი ალტერნატივა. შედეგად, ბაზარზე გაჩნდნენ ისეთი აქტივები, როგორიც არის მაგალითად ბიტკოინ ოქრო არის, რომელიც კრიპტო ეკოსისტემას მნიშვნელოვან გადაწყვეტას სთავაზობს.

ბიტკოინის ამ ვარიანტების გაგება, მნიშვნელოვანია ყველა იმ ადამიანისთვის, რომელიც ციფრული ვალუტებით არის დაინტერესებული. მომხმარებლებს ყოველი მათგანი განსხვავებულ თვისებას, ფილოსოფიასა და რაც მთავარია, გამოყენებას სთავაზობს.

იმისათვის, რომ მომხმარებელი მარტივად გაერკვეს ამ BTC-ის სხვადასხვა ვარიანტში და მათზე ფუნდამენტური წარმოდგენა ჰქონდეს, შეუძლია წაიკითხოს ბლოგი თუ რა არის ბიტკოინი? და მარტივად შეექმნას წარმოდგენა, ზოგადად, როგორ ფუნქციონირებს ბიტკოინი.

BTC-ს ეს ვარიანტები ხომ კრიპტო სამყაროს მეტად საინტერესოს და ინოვაციურს ხდიან, რითაც თავიანთი მნიშვნელოვანი როლი აქვთ ბაზრის მიმდინარეობაზე.

რა არის ბიტკოინის ვარიანტები?

ბიტკოინის ვარიანტები არიან თავად ორიგინალი ბიტკოინის ალტერნატიული ვერსიები. მათი შექმნის მიზანი კონკრეტული ტექნიკური შეზღუდვების გაუმჯობესება, ტრანზაქციების სიჩქარის გაზრდა და კრიპტო ეკოსისტემაში ახალი ფუნქციონალების გაჩენა იყო.

ბიტკოინის ვარიანტების უმეტესობა იმ პროცესის შედეგად შეიქმნა, რომელსაც „ფორკინგი“ ჰქვია, რა დროსაც დეველოპერი ორიგინალი ბიტკოინის კოდის ასლს იღებს, ცვლის და განსხვავებული წესებით მომუშავე ახალ ბლოკჩეინს უშვებს. ამ ფორკების მიზანი, ხშირად მოცულობის გაზრდა, საკომისიოების შემცირება და მაინინგის ახალი მეთოდების შემუშავებაა.

ამ ქმედებით, მათ კრიპტო სამყაროში ინოვაცია შემოაქვთ და მომხმარებლებს მათზე უფრო მორგებულ, მრავალფეროვან არჩევანსა და ალტერნატივას სთავაზობენ.

ბიტკოინის მთავარი ვარიაციები - მაგალითები

ბიტკოინ Cash (BCH) - ყველაზე ცნობილი ფორკი

ბიტკოინი და ფორკი - ეს ორი სიტყვა ერთად პირველად 2017 წელს გაჟღერდა, რა დროსაც კრიპტო საზოგადოებაში ტრანზაქციების სიჩქარესთან და მოცულობასთან დაკავშირებულმა უთანხმოებამ ბიტკოინ Cash გააჩინა. ბიტკოინი და ბიტკოინ ქეში ერთმანეთისაგან იმით განსხვავდებიან, რომ ამ უკანასკნელის ბლოკის ზომა გაცილებით დიდია, შესაბამისად მას ყოველწამიერად უფრო მეტი ტრანზაქციის დამუშავება შეუძლია.

ცვლილება მიზნად ისახავდა იმას, რომ BCH უფრო ყოველდღიური გადახდებისთვის გამოსადეგ ციფრულ ვალუტად ქცეულიყო - უფრო სწრაფი დადასტურებითა და დაბალი საკომისიოებით. მიუხედავად იმისა, რომ მან ადაპტაციის კუთხით ბიტკოინი უკან ვერ ჩამოიტოვა, ბიტკოინ ქეში ბაზარზე კვლავაც ინარჩუნებს პოზიციებს და ხშირად გამოიყენება ყოველდღიურ ტრანზაქციებში, განსაკუთრებით ისეთ რეგიონებში, სადაც დაბალ საკომისიოიანი კრიპტო გადარიცხვები კრიტიკულად მნიშვნელოვანია.

ლაითქოინი (LTC) - ბიტკოინ „ვერცხლი“

ლაითქოინი 2011 წელს შეიქმნა გუგლის ინჟინერ ჩარლი ლის მიერ, როგორც ბიტკოინის უფრო მსუბუქი ვერსია - სწორედ ამიტომ, ლაითქოინი ხშირად მოიხსენიება, როგორც ბიტკოინ ვერცხლი. მიუხედავად იმისა, რომ ლაითქოინის შესაქმნელად ინსპირაცია ბიტკოინი იყო, LTC ისეთი განსხვავებული მახასიათებლებით გამოირჩევა, როგორიც არის ბლოკის უფრო სწრაფი გენერირება და განსხვავებული ჰეშინგ ალგორითმი, სახელად Scrypt - სწორედ ამ ალგორითმის წყალობით არის შესაძლებელი გაცილებით სწრაფი ტრანზაქციები.

მისი დაბალი საკომისიოები და ეფექტურობა დაეხმარა ლაითქოინს, რომ კრიპტო სამყაროში პოპულარობა სწრაფად მოეხვეჭა. მიუხედავად იმისა, რომ ლაითქოინი არც ისეთი დომინანტურია, როგორც ბიტკოინი, ის კრიპტო სამყაროში კვლავაც რჩება სანდო და გამოცდილ ციფრულ ვალუტად, რომელიც ხშირად გამოიყენება მცირე და ყოველდღიური ტრანზაქციებისათვის.

ბიტკოინ ოქრო (BTG) - მაინინგის დემოკრატიზაცია

ბიტკოინ ოქრო 2017 წელს გაეშვა და მისი მიზანი იყო, ბიტკოინის მაინინგი უფრო ხელმისაწვდომი გაეხადა მომხმარებლებისათვის. BTC-ის ტრადიციული მაინინგისგან განსხვავებით, რომელსაც მძლავრი ASIC აპარატები სჭირდება, ბიტკოინ გოლდიEquihash ალგორითმს იყენებს, რაც მაინინგის შესაძლებლობას სტანდარტული GPU-ების წყალობითაც იძლევა.

ამ ცვლილების მიზანი მაინინგის „ხელახალი დეცენტრალიზაცია“ იყო, სადაც დიდ მაინინგ ფერმებთან შედარებით, ძალაუფლება და კონტროლი ინდივიდებს დაუბრუნდებოდათ. მიუხედავად იმისა, რომ ბიტკოინი გაცილებით უსწრებს პოპულარობით ბიტკოინ ოქროს, ამ უკანასკნელს მაინც უჭირავს თავისი ნიშა ბაზარზე. საზოგადოება, რომელიც მხარს ამ კრიპტო აქტივს უჭერს, კვლავაც აგრძელებს მისიას, რომ მაინინგ ეკოსისტემა უფრო თანაბარი და ხელმისაწვდომი გახდეს ყველა დაინტერესებული ადამიანისათვის.

ბიტკოინ SV (BSV) - ორიგინალთან ყველაზე ახლოს მდგომი კრიპტო

Bitcoin SV პირველად 2018 წელს გამოჩნდა, Bitcoin Cash-თან გაყოფის შემდგომ და მისი მიზანი, თავდაპირველი ხედვისკენ დაბრუნება იყო, რომლითაც ბიტკოინი მისმა შემქმნელმა სატოში ნაკამოტომ დააფუძნა. Bitcoin SV-ის გამორჩეული თვისება მისი მასშტაბურობა, დიდი ბლოკის ზომები და მაღალი-მოცულობის ტრანზაქციების მარტივად დამუშავებაა.

მიუხედავად იმისა, რომ ბიტკოინის საზოგადოებაში Bitcoin SV დიდი პოპულარობით ვერ სარგებლობს, მას მაინც აქვს გამორჩეული როლი. შეზღუდული გამოყენების მიუხედავად, SV კვლავაც აგრძელებს ბიტკოინის გლობალური ადაპტაციისა და სარგებლიანობის გაზრდაში საკუთარი წვლილის შეტანას.

ბიტკოინის ფორკი - მარტივად

ფორკი ბიტკოინის კონტექსტში ნიშნავს ქსელის წესების ან პროტოკოლის ცვლილებას. არსებობს ორი ტიპის განახლება:

• Soft fork - არის ბლოკჩეინში შეტანილი ცვლილება, რომელიც ახალი წესების შემოღების შესაძლებლობას იძლევა.
  
  
• Hard fork - არის ცვლილება, რომელიც სრულიად ახალ, განცალკევებულ ბლოკჩეინს ქმნის.

Bitcoin Cash, Bitcoin Gold და Bitcoin SV - ყველანი Hard fork-ის შედეგად შექმნილი კრიპტო აქტივები არიან, რომლებიც ისეთ გამოწვევებზე გასამკლავებლად შეიქმნენ, როგორიც მაგალითად მოცულობას ან დეცენტრალიზაციას ექმნებათ. ყოველი ფორკი არის მასში ჩართული განსხვავებული საზოგადოების გამოხატულება და ის ინოვაცია, რომელიც მათ კრიპტო სამყაროს შესძინეს და ორიგინალი ბიტკოინი სრულად ან ნაწილობრივ გარდაქმნეს. ფორკი ღია-წყაროზე დაფუძნებული კრიპტო ეკოსისტემის ბუნებრივი პროცესია, რომელიც განვითარებასა და ევოლუციას ეხმიანება.

ალტქოინები - რომელთა ინსპირაცია ბიტკოინი გახდა

ბიტკოინი და მისი სტრუქტურა რამოდენიმე ცნობილი ალტქოინის შექმნისთვის ინსპირაციად იქცა, მიუხედავად იმისა, რომ მათ კრიპტო სამყაროში განსხვავებული მიზნები და ამოცანები აქვთ:

• Dash (Digital Cash) - უფრო მეტად ორიენტირებულია მომენტალურ ტრანზაქციებზე, რომლებიც დაბალი საკომისიოებითა და ანონიმურობით გამოირჩევა.
• Zcash (ZEC) - სრულად ანონიმური ალტქოინი, რომელიც მომხმარებლებს უსაფრთხო საგადახდო საშუალებად ევლინება.
• Dogecoin (DOGE) - მარტივი და მსუბუქი მიმქოინი, რომელიც თავდაპირველად ლაითქოინის (Litecoin) ფორკისგან წარმოიშვა, ხოლო ლაითქოინის საწყისი, თავის მხრივ იყო ბიტკოინი (Bitcoin).

ეს პროექტები ნათლად გამოხატავს იმას, თუ რამდენად დივერსიფიცირებულია კრიპტო სამყარო. საერთო საფუძვლის მიუხედავად, ისინი მომხმარებლებს განსხვავებულ თვისებებსა და მახასიათებლებს სთავაზობენ.

ბიტკოინის ვარიანტების შედარება - მთავარი განსხვავებები

ბიტკოინის ალტერნატივების გავლენა კრიპტო ბაზარზე

ბიტკოინის სხვადასხვა ვარიანტებმა, ალტერნატიული ხედვებისა და ტექნოლოგიების შეთავაზებით, კრიპტო ეკოსისტემის ჩამოყალიბებაში მნიშვნელოვანი როლი შეასრულეს. მათი გავლენა ვრცელდება:

• ბაზრის დივერსიფიკაცია - ისეთი ქოინები, როგორიც ბიტკოინ ქეში და ლაითქოინი არიან, ახალ საინვესტიციო და სავაჭრო აქტივად გვევლინებიან.
• გაზრდილი ინოვაცია - ფორკები და ვარიანტები ხშირად ისეთ ინოვაციური მახასიათებლებით გამოირჩევიან, როგორიც სწრაფი ტრანზაქციები და გაზრდილი ანონიმურობაა.
• ჯანსაღი კონკურენცია - ორიგინალი ბიტკოინის დეველოპერებს უბიძგებს გაუმჯობესებების შექმნისკენ.
• ეკოსისტემის გაფართოება - ახალი ვარიანტები კრიპტო ინდუსტრიის შიგნით სხვადასხვა კომპონენტს ავითარებენ, იქნება ეს საფულე, ბირჟა თუ dApps-ები.

ბიტკოინი და მისი ალტერნატივები ადამიანებს არჩევანის შესაძლებლობას აძლევენ, გამოიყენონ კრიპტო აქტივი მათი საჭიროებებისა და მიზნების მიხედვით.

ბიტკოინის ვარიანტებში ინვესტირება - შესაძლებლობები & რისკები

ბიტკოინის ალტერნატივებში ინვესტირება მომხმარებლისთვის უნიკალურ შესაძლებლობებს ნიშნავს, თუმცა მას თან გარკვეული რისკებიც ახლავს. ინვესტირებამდე აუცილებელია, რომ შეფასდეს ყოველი ალტერნატივის გამოყენება, ტექნოლოგიური შესაძლებლობები და საზოგადოების პროექტში ჩართულობა.

მიუხედავად იმისა, რომ სხვადასხვა ვარიანტები კრიპტო სამყაროში ჩართულ ადამიანებს ახალი ინოვაციებისკენ უხსნის გზას, ალტერნატივები შეიძლება ვოლატილობასაც ნიშნავდეს. ზოგიერთი მათგანი აქტიურად მკვიდრდება ფინანსურ სამყაროში, ზოგიერთს კი შედარებით უჭირს. ბიტკოინი მათგან საგრძნობლად განსხვავდება იმით, რომ გაცილებით სტაბილური ციფრული ვალუტაა.

შესაბამისად, დეტალური ანალიზი და რისკების შეფასება ყველა იმ ინვესტორისთვის კრიტიკულად მნიშვნელოვანია, რომელიც კრიპტო სამყაროში აპირებს პირველი ნაბიჯების გადადგმას.

ბიტკოინის ალტერნატივების მომავალი

ბიტკოინის ალტერნატივების მომავალი მეტწილად დამოკიდებულია კრიპტო ეკოსისტემის შიგნით კონკურენციასა და თანამშრომლობას შორის ბალანსის დაცვაზე. ზოგიერთმა ადგილი თავიანთი ინოვაციური გადაწყვეტებით შეიძლება დაიმკვიდროს, იქნება ეს მოცულობის თუ ანონიმურობის საკითხი, მაშინ როცა უმეტესობა მათგანს ინოვაციების ნაკლებობის გამო, გაქრობა ემუქრება.

მიმდინარე ტექნიკურმა განვითარებამ, კონსენსუსის მექანიზმის დახვეწამ და ქსელთა შორის კავშირის გაძლიერებამ, შეიძლება პოზიტიური როლი ითამაშოს მათ მომავალზე. დამატებით, იცვლება რეგულაციური პოლიტიკაც, რომელსაც საკუთარი გავლენა ექნება აქტივების ვაჭრობაზე.

კრიპტო ბაზრის განვითარებასთან ერთად, ბიტკოინის თითოეული ალტერნატივის ადაპტირების უნარი და მასთან დაკავშირებული საზოგადოების მხარდაჭერა განსაზღვრავს მათ გრძელვადიან მდგრადობასა და გავლენას.

ბიტკოინის ვარიანტებთან დაკავშირებით ხშირად დასმული შეკითხვები (FAQs)

1. ბიტკოინის ალტერნატივები უსაფრთხო საინვესტიციო აქტივებია?
   ბიტკოინის ვარიანტები თავისუფლად შეიძლება დივერსიფიცირებული კრიპტო პორტფელის მნიშვნელოვანი ნაწილები იყვნენ, თუმცა მათი საინვესტიციო უსაფრთხოება ისეთ მრავალ საკითხზეა დამოკიდებული, როგორებიც არის ტექნოლოგიური განვითარება და სარეგულაციო ცვლილებები. ინვესტირებამდე აუცილებელია დეტალური მოკვლევის ჩატარება.
   
   
2. როგორ შეიძლება ბიტკოინ ქეშის, ლაითქონის და სხვა კრიპტოს ყიდვა?
   ბიტკოინის ალტერნატივების ყიდვა უმეტესად ყველა დიდ კრიპტო ბირჟაზეა შესაძლებელი, მაგალითად როგორიც Cryptal არის ან თუნდაც Binance, Coinmania და Coinbase არიან.
   
   
3. ბიტკოინის ალტერნატივები და ბიტკოინის ფასი - რა გავლენა აქვთ ერთმანეთზე?
   ბიტკოინის ვარიანტები ბიტკოინის ფასზე პირდაპირ გავლენას ვერ ახდენენ, თუმცა მათ ზოგადი საინვესტიციო სენტიმენტების შექმნა შეუძლიათ, რაც შემდგომ გავლენას ბიტკოინზეც შეიძლება ახდენდეს.
   
   
4. ბიტკოინის რომელი ვარიანტი არის გრძელვადიანი ინვესტირებისთვის?
   ისეთი ალტერნატივები, როგორიც ლაითქოინი და ბიტკოინ ქეში არიან, ძლიერი საზოგადოებრივი ჩართულობითა და გავლენით გამოირჩევიან, თუმცა გრძელვადიანი საინვესტიციო პოტენციალს უამრავი რამ განსაზღვრავს.

შეჯამება

ბიტკოინის ვარიაციები მნიშვნელოვან მოთამაშეებად იქცნენ კრიპტო ეკოსისტემაში - თითოეული მათგანს გააჩნია უნიკალური ფუნქციები და ფილოსოფიები, რომლებიც ბიტკოინის ორიგინალი პროტოკოლიდან არის მიღებული. ტრანზაქციების სიჩქარის გაუმჯობესებიდან და კონფიდენციალურობის გაზრდიდან დაწყებული, მაინინგის დეცენტრალიზაციით დამთავრებული, ალტერნატივები აფართოებენ ციფრული ვალუტის სივრცის ფუნქციონალსა და მრავალფეროვნებას.

ბაზრის განვითარებასთან ერთად, ბიტკოინის ვარიანტების როლისა და მნიშვნელობის სწორად გაგება გადამწყვეტია წარმატებული საინვესტიციო სტარტისთვის. იქნება ეს Bitcoin Cash, Litecoin თუ ფორკის შედეგად წარმოქმნილი სხვა კრიპტო აქტივი - საფუძვლიანი კვლევის ჩატარება აუცილებელია. მომხმარებლებმა უნდა იცოდნენ კრიპტოს ძირითადი და ფუნდამენტური საწყისები, კარგად გაიაზრონ რა არის ბიტკოინი? - მხოლოდ ამის შემდგომ დაიწყონ ინვესტირება და კრიპტის ყიდვა.