კვირის TOP 5 კრიპტო აქტივი - 2 ნოემბერი, 2026

კრიპტობაზრისთვის გასული კვირა საერთო ზრდის თვალსაზრისით შედარებით მოკრძალებული აღმოჩნდა: წამყვანი კრიპტოაქტივების გაძვირება შეზღუდული იყო, პერიოდულად კი გაყიდვების წნეხიც შეინიშნებოდა. ბიტკოინს, ეთერიუმსა და ლაითქოინს სტაბილური ზრდის შენარჩუნება გაუჭირდათ, თუმცა ცალკეულმა ალტკოინებმა დადებითი შედეგები აჩვენეს.

კვირის რეიტინგს Hyperliquid 12%-იანი ზრდით ლიდერობს, მას კი Pepe, Midnight, Morpho და Stacks მოსდევენ. ქვემოთ გაეცნობი კვირის TOP 5 კრიპტოაქტივს 2026 წლის 2 ნოემბრის მონაცემებით - ბოლო 7 დღის პროცენტული ზრდის მიხედვით, მათი ფასებისა და საბაზრო კაპიტალიზაციის მითითებით.

ბაზრის მიმოხილვა - ბიტკოინი, ეთერიუმი და ლაითქოინი

26 ოქტომბრიდან 2 ნოემბრამდე პერიოდი უმსხვილესი კრიპტოაქტივებისთვის შედარებით რთული აღმოჩნდა. CoinMarketCap-ის მონაცემებით, ბიტკოინის ფასი დაახლოებით $80,000-დან $78,300-მდე შემცირდა, ეთერიუმის კი - დაახლოებით $2,324-დან $2,290-მდე. გაყიდვების წნეხი ლაითქოინზეც აისახა: კვირის დასაწყისში მისი ფასი $58-ს აღემატებოდა, მოგვიანებით კი დაახლოებით $56-მდე ჩამოვიდა.

საერთო ჯამში, ბაზარზე ზრდა შეზღუდული იყო, თუმცა ცალკეულმა ალტკოინებმა უკეთესი შედეგები აჩვენეს.

ბიტკოინი (BTC)

კვირის განმავლობაში ბიტკოინის ფასმა ზომიერი კორექცია განიცადა: 26 ოქტომბერს დაფიქსირებული დაახლოებით $80,000-დან 2 ნოემბრისთვის $78,300-მდე შემცირდა, რაც დაახლოებით 2.1%-იან კლებას ნიშნავს. CoinMarketCap-ის მიხედვით, BTC-ის ფასი მცირე ხნით $78,000-საც ჩამოსცდა, შემდეგ კი დანაკარგის ნაწილი აღადგინა. კორექციის მიუხედავად, ბიტკოინმა უმსხვილესი კრიპტოაქტივის პოზიცია შეინარჩუნა - მისი საბაზრო კაპიტალიზაცია დაახლოებით $1.57 ტრილიონი იყო.

ბიტკოინის ფასის დინამიკა ინვესტორების შედარებით ფრთხილ განწყობას ასახავდა, ბაზარს კი მდგრადი აღმავალი ტენდენციის ჩამოყალიბება უჭირდა.

ეთერიუმი (ETH)

შედარებით რთული კვირა ჰქონდა ეთერიუმსაც: მისი ფასი 26 ოქტომბრის დაახლოებით $2,324-დან 2 ნოემბრისთვის $2,290-მდე შემცირდა, რაც დაახლოებით 1.5%-იანი კლებაა. CoinMarketCap-ის მონაცემებით, კვირის განმავლობაში ETH-ის ფასი $2,250-საც ჩამოსცდა, მოგვიანებით კი დანაკარგის ნაწილი აღადგინა.

ფასის სუსტი დინამიკის მიუხედავად, ეთერიუმი კვლავ დეცენტრალიზებული აპლიკაციების, DeFi პროტოკოლებისა და მეორე დონის, ანუ Layer-2 ქსელების ფართო ეკოსისტემის საფუძვლად რჩებოდა.

ლაითქოინი (LTC)

ლაითქოინიც ბაზრის საერთო დაღმავალ ტენდენციას მიჰყვა და 2 ნოემბერს მისი ფასი დაახლოებით $56 იყო. CoinMarketCap-ის ისტორიული მონაცემებით, წინა კვირის განმავლობაში LTC დაახლოებით $59 ღირდა, შემდეგ მისი ფასი $55-ისკენ დაეშვა, მოგვიანებით კი მცირედით აღდგა.

ლაითქოინმა შეინარჩუნა თავისი ადგილი, როგორც გადახდებზე ორიენტირებულმა, დამკვიდრებულმა კრიპტოაქტივმა. თუმცა მისი კვირის შედეგი ჩამოუვარდებოდა იმ დადებით მაჩვენებლებს, რომლებიც რეიტინგში მოხვედრილმა წამყვანმა ალტკოინებმა აჩვენეს.

#1 Hyperliquid (HYPE) - კვირის ზრდა: 12%

Hyperliquid (HYPE) ამ კვირის რეიტინგის ლიდერი გახდა: მისი ფასი 12%-ით გაიზარდა და დაახლოებით $86-ს მიაღწია, საბაზრო კაპიტალიზაციამ კი $22 მილიარდი შეადგინა. Hyperliquid მაღალი წარმადობის პირველი დონის, ანუ Layer-1 ბლოკჩეინეკოსისტემაა, რომელიც ყველაზე მეტად თავისი დეცენტრალიზებული უვადო ფიუჩერსების ბირჟით არის ცნობილი. ის მომხმარებლებს საშუალებას აძლევს, წარმოებული ფინანსური ინსტრუმენტებით უშუალოდ ბლოკჩეინზე ივაჭრონ, ტრადიციულ ცენტრალიზებულ ბირჟებზე დამოკიდებულების გარეშე.

ფასის ზრდის შესაძლო მიზეზები:

• დეცენტრალიზებული უვადო ფიუჩერსებით ვაჭრობაზე მზარდი მოთხოვნა;
• Hyperliquid-ის ეკოსისტემაში სავაჭრო აქტივობის ზრდა;
• დეცენტრალიზებული დერივატივების პლატფორმების მიმართ ინვესტორების ინტერესის განახლება;
• Hyperliquid-ის ბლოკჩეინინფრასტრუქტურის მიმართ შენარჩუნებული ყურადღება;
• ბაზრის შედარებით სუსტი მდგომარეობის მიუხედავად, შესყიდვებისმაღალი აქტივობა.

Hyperliquid-ის შედეგი განსაკუთრებით საყურადღებოა, რადგან მან ორნიშნა პროცენტული ზრდა იმ ფონზე აჩვენა, როდესაც ბიტკოინის, ეთერიუმისა და ლაითქოინის ფასების დინამიკა შედარებით სუსტი იყო.

#2 Pepe (PEPE) - კვირის ზრდა: 10.89%

Pepe (PEPE) მეორე ადგილზე 10.89%-იანი ზრდით გავიდა: მისი ფასი დაახლოებით $0.000005 გახდა, საბაზრო კაპიტალიზაცია კი $2.02 მილიარდს გაუტოლდა. Pepe ეთერიუმის ქსელზე შექმნილი მიმტოკენია, რომლის შთაგონების წყაროც პოპულარული ინტერნეტმიმი - Pepe the Frog - გახდა. ბლოკჩეინინფრასტრუქტურის პროექტებისგან განსხვავებით, PEPE ყურადღებას ძირითადად საზოგადოების ჩართულობით, სპეკულაციური ვაჭრობითა და ინტერნეტკულტურასთან კავშირით იპყრობს.

ფასის ზრდის შესაძლო მიზეზები:

• დამკვიდრებული მიმტოკენების მიმართ ინვესტორების ინტერესის განახლება;
• სოციალურ მედიაში გაზრდილი ყურადღება და საზოგადოების აქტიურობა;
• მიმებზე დაფუძნებული კრიპტო აქტივებით ვაჭრობის გააქტიურება;
• ფასის აღმავალი დინამიკით მოკლევადიანი ტრეიდერების დაინტერესება;
• ბაზარზე არსებული გაურკვევლობის მიუხედავად, სპეკულაციური მოთხოვნის ზრდა.

Pepe ჩვენს ყოველკვირეულ TOP 5-ში ზედიზედ მეორედ მოხვდა - 26 ოქტომბრის რეიტინგში მას 8.17%-იანი ზრდა ჰქონდა. ბოლო შედეგი მიანიშნებს, რომ ტოკენის მიმართ სავაჭრო ინტერესი კვლავ შენარჩუნებულია.

#3 Midnight (NIGHT) - კვირის ზრდა: 10.68%

Midnight (NIGHT) 10.68%-ით გაიზარდა: მისმა ფასმა დაახლოებით $0.04-ს მიაღწია, საბაზრო კაპიტალიზაციამ კი $683 მილიონი შეადგინა. Midnight Cardano-ს ეკოსისტემასთან დაკავშირებული, კონფიდენციალურობაზე ორიენტირებული ბლოკჩეინია. მისი მიზანია მონაცემების პროგრამირებადი დაცვა ნულოვანი ცოდნის კრიპტოგრაფიისა და ინფორმაციის შერჩევითად გამჟღავნების შესაძლებლობის გამოყენებით.

ფასის ზრდის შესაძლო მიზეზები:

• კონფიდენციალურობაზე ორიენტირებული ბლოკჩეინქსელების მიმართ ინტერესის განახლება;
• ნულოვანი ცოდნის მტკიცებულებების ტექნოლოგიის მიმართ გაზრდილი ყურადღება;
• კონფიდენციალურობის დამცავ დეცენტრალიზებულ აპლიკაციებზე მზარდი მოთხოვნა;
• Midnight-ის ეკოსისტემის მიმართ ინვესტორების შენარჩუნებული ინტერესი;
• ფასის დადებითი დინამიკა და შესყიდვების გააქტიურება.

Midnight-ის ბოლო ზრდა განსაკუთრებით საყურადღებოა, რადგან NIGHT 5 ოქტომბრის რეიტინგს 77%-იანი მატებით ლიდერობდა. TOP 5-ში მისი დაბრუნება აჩვენებს, რომ კონფიდენციალურობაზე ორიენტირებული ბლოკჩეინინფრასტრუქტურა ბაზრის ყურადღებას კვლავ იპყრობს.

#4 Morpho (MORPHO) - კვირის ზრდა: 9.31%

Morpho (MORPHO) მეოთხე ადგილზე 9.31%-იანი ზრდით გავიდა: მისი ფასი დაახლოებით $2.21 გახდა, საბაზრო კაპიტალიზაცია კი $1.1 მილიარდს გაუტოლდა. Morpho ეთერიუმსა და თავსებად ბლოკჩეინქსელებზე აგებული დეცენტრალიზებული გასესხების პროტოკოლია. ის კრიპტოს გასესხებისა და სესხების ეფექტიანობის გაზრდას ემსახურება ისეთი ბაზრებისა და მორგებადი ინფრასტრუქტურის მეშვეობით, რომლებზე წვდომასაც წინასწარი ნებართვა არ სჭირდება.

ფასის ზრდის შესაძლო მიზეზები:

• დეცენტრალიზებული გასესხებისპროტოკოლების მიმართ ინვესტორების ინტერესის განახლება;
• ბლოკჩეინზე კრიპტოს სესხებისა და გასესხების სერვისებზემზარდი მოთხოვნა;
• კაპიტალის ეფექტიანად გამოყენებაზე ორიენტირებული DeFi ინფრასტრუქტურის მიმართ გაზრდილი ყურადღება;
• ეთერიუმზე დაფუძნებული დამკვიდრებული პროტოკოლების მიმართ დადებითი განწყობა;
• სავაჭრო აქტივობის ზრდა და შესყიდვების გააქტიურება.

Morpho-ს ბოლო შედეგი ხაზს უსვამს ინვესტორების შენარჩუნებულ ინტერესს დეცენტრალიზებული გასესხების სერვისებისა და მთლიანად DeFi ეკოსისტემის მიმართ.

#5 Stacks (STX) - კვირის ზრდა: 7%

Stacks (STX) კვირის რეიტინგს 7%-იანი ზრდით ასრულებს: მისმა ფასმა დაახლოებით $0.32-ს მიაღწია, საბაზრო კაპიტალიზაციამ კი $614 მილიონი შეადგინა. Stacks ბიტკოინზე ორიენტირებული ბლოკჩეინეკოსისტემაა, რომლის მიზანია ბიტკოინთან სმარტ კონტრაქტების, დეცენტრალიზებული აპლიკაციებისა და პროგრამირებადი ფინანსური სერვისების დაკავშირება. ამით ის ქსელის გამოყენების შესაძლებლობებს აფართოებს - მარტივი გადარიცხვებისა და ღირებულების გრძელვადიანი შენახვის მიღმა.

ფასის ზრდის შესაძლო მიზეზები:

• ბიტკოინზე ორიენტირებული ბლოკჩეინინფრასტრუქტურის მიმართ ინტერესის განახლება;
• ბიტკოინზე დაფუძნებულ დეცენტრალიზებულ აპლიკაციებზე მზარდი მოთხოვნა;
• ბიტკოინთან დაკავშირებული სმარტ კონტრაქტების შესაძლებლობების მიმართ გაზრდილი ყურადღება;
• ბიტკოინის სუსტი შედეგის მიუხედავად, STX-ის ფასის დადებითი დინამიკა;
• დამკვიდრებული ბლოკჩეინინფრასტრუქტურის პროექტებისმიმართ ინვესტორების ინტერესი.

ბოლო ზრდით Stacks ჩვენს ყოველკვირეულ რეიტინგს დაუბრუნდა - 5 ოქტომბერს STX სიაში 22%-იანი მატებით იყო წარმოდგენილი. მისი დადებითი შედეგი მიანიშნებს, რომ ინვესტორები კვლავ ინტერესდებიან პროექტებით, რომლებიც ბიტკოინის შესაძლებლობებს აფართოებენ.

კვირის შეჯამება

2 ნოემბერს დასრულებულმა კვირამ კიდევ ერთხელ აჩვენა განსხვავება საერთო ბაზრის მოკრძალებულ დინამიკასა და ცალკეული ალტკოინების დადებით შედეგებს შორის. ბიტკოინის ფასი დაახლოებით 2%-ით შემცირდა, ეთერიუმის - დაახლოებით 1.5%-ით, ლაითქოინი კი გაყიდვების დამატებითი წნეხის ქვეშ მოექცა. ამ ფონზე კვირის რეიტინგში შესულმა ხუთივე აქტივმა ზრდა დააფიქსირა.

Hyperliquid 12%-იანი მატებით ლიდერობდა, მას კი Pepe - 10.89%-ით, Midnight - 10.68%-ით, Morpho - 9.31%-ით და Stacks - 7%-ით მოსდევდნენ. დეცენტრალიზებული დერივატივები, მიმტოკენები, კონფიდენციალურობის ტექნოლოგიები, დეცენტრალიზებული გასესხება და ბიტკოინზე ორიენტირებული ინფრასტრუქტურა ამ კვირის TOP 5-ში წარმოდგენილი ძირითადი მიმართულებები იყო.