როგორ შეინახო კრიპტო აქტივები უსაფრთხოდ: კრიპტო საფულე და სხვა რჩევები

კრიპტო აქტივები, ისეთი როგორიც არის ბიტკოინი, უდიდესი ფინანსური თავისუფლების გარანტია, თუმცა მათ გარკვეული რისკები ახლავთ თან, განსაკუთრებით დამწყებთათვის. ჰაკერებს, თაღლითურ სქემებსა და მომხმარებლების დაშვებულ შემთხვევით შეცდომებს ციფრული აქტივების დაკარგვა შეუძლიათ გამოიწვიონ.

ეს ბლოგი დაგეხმარება გაიგო, როგორ შეინახო კრიპტო აქტივები უსაფრთხოდ - დაწყებული საუკეთესო საფულეებიდან, დასრულებული ეფექტური უსაფრთხოების რჩევებით.

რა არის კრიპტო საფულე?

იქამდე, სანამ უსაფრთხოების რჩევებზე გადავალთ, მნიშვნელოვანია კრიპტო საფულის როლი გავიგოთ. კრიპტო საფულე ციფრული აქტივების შენახვისა და გამოყენებისთვის კრიტიკულად მნიშვნელოვანია. ტრადიციული საფულეებისგან განსხვავებით, კრიპტო საფულე ინახავს შენს პირად გასაღებს - ერთგვარ უნიკალურ კოდს, რომელიც ბლოკჩეინის გავლით შენს აქტივებთან გაკავშირებს. ამ გასაღების გარეშე, შენ არ შეგეძლება შენი აქტივებით სარგებლობა, გადარიცხვა და ა.შ. წარმოიდგინე, რომ პირადი გასაღები პაროლია, საფულე კი, ერთგვარი ინტერნეტ ბანკი.

საფულის ორი ძირითადი ტიპი არსებობს:

1. „ცხელი საფულე“

ცხელი საფულეები ონლაინ ტიპის აპლიკაციები არიან, რომლებზეც წვდომა მობილური აპლიკაციებით ან ვებ პლატფორმების დახმარებით გაქვს. ხშირი ტრანზაქციებისათვის ისინი იდეალურნი არიან, თუმცა კიბერშეტევების მიმართ ნაკლებად დაცულნი.

„ცხელი საფულის“ მაგალითები:

• MetaMask: პოპულარული საფულე, რომელიც ინტერნეტ ბრაუზერში ყენდება.
• Trust Wallet: სიმარტივითა და ბევრი აქტივის მხარდაჭერით ცნობილი საფულე.
• Coinbase Wallet: უსაფრთხო და დამწყებთათვის იდეალური ვარიანტი.

ცხელი საფულეები მცირე რაოდენობის აქტივების ტრანზაქციებისთვის იდეალურია, თუმცა გრძელვადიანი შენახვისთვის მათი გამოყენება რეკომენდებული არ არის.

2. “ცივი საფულე“

ცივი საფულეები ოფლაინ შესანახი საშუალებებია. ისინი მაღალი უსაფრთხოებით გამოირჩევიან და დიდი მოცულობის კრიპტო აქტივების გრძელვადიან პერიოდში შესანახად იდეალურ კანდიდატურას წარმოადგენენ.

„ცივი საფულის“ მაგალითები:

• Ledger Nano X: მაღალი უსაფრთხოებით გამორჩეული საფულე.
• Trezor Model T: მრავალფეროვანი ფუნქციონალის მქონე მოწყობილობა.

თუ მაღალი უსაფრთხოებისა და დაცულობის მოწყობილობა გინდა, მაშინ „Cold Wallet“ საშენოა. გაიგე დამატებითი დეტალები და რომელია TOP 5 საუკეთესო ცივი საფულე.

რჩევები რათა კრიპტო უსაფრთხოდ შეინახო

იმისათვის, რომ შენი კრიპტო აქტივები უსაფრთხოდ შეინახო, მხოლოდ სწორი საფულის შერჩევა არ კმარა. მიჰყევი ამ უსაფრთხოების სტანდარტებს და რისკების მინიმალურამდე დაყვანას შეძლებ:

გამოიყენე ძლიერი და უნიკალური პაროლი

სუსტი პაროლი ჰაკერებისთვის მარტივი ობიექტია. შექმენი პაროლი, რომელიც შემდგარი იქნება კომპლექსური სიმბოლოებისგან, დიდი და პატარა ასოებისა და ციფრებისგან. ერიდე ერთი და იგივე პაროლების გამოყენებას.

გამოიყენე ორ-ფაქტორიანი აუთენტიფიკატორი (2FA)

ორ-ფაქტორიანი აუთენტიფიკატორი (2FA) შენს პაროლს დამატებით უსაფრთხოების საფეხურს სძენს და ვერიფიკაციისთვის დამატებით კოდს ითხოვს. გამოიყენე ისეთი სანდო აპლიკაციები, როგორიც მაგალითად Google Authenticator არის.

ერიდე სქემერებს

სქემერები ხშირად რეალური კრიპტო პლატფორმების მსგავს საიტებს ქმნიან ან ფიშინგ მეილებს აგზავნიან. ყოველთვის გადაამოწმე პლატფორმის URL და არ დაკლიკო უცნაურ ლინკებს.

რეგულარულად განაახლე საფულის პროგრამა

საფულის მოძველებული პროგრამა გარკვეულ რისკებს შეიცავს. მუდმივად განაახლე შენი საფულე და მასთან დაკავშირებული მოწყობილობები, რათა ისარგებლო უსაფრთხოების უახლესი სისტემებით.

გადაანაწილე შენი აქტივები

არ შეინახო ყველა შენი აქტივი ერთ საფულეში ან პლატფორმაზე. გადაანაწილე ისინი სხვადასხვა მოწყობილობებში, რათა გაზარდო უსაფრთხოება და პოტენციურად შეამცირო დანაკარგები.

კრიპტო უსაფრთხოების გარღვევის ცნობილი შემთხვევები

წარსული გამოცდილების გაზიარება და კრიპტო უსაფრთხოების გარღვევის მაგალითები გვეხმარება, მომავალში თავიდან ავირიდოთ მარტივი შეცდომები:

• Mt. Gox-ის დაჰაკვა (2014): სუსტი უსაფრთხოების ზომების გამო, Mt. Gox-ის ბირჟიდან 850,000 ბიტკოინი მოიპარეს.
  
  
• Coincheck-ის დაჰაკვა (2018): პლატფორმის „ცხელი საფულის“ შიგნით არსებულმა ცუდმა უსაფრთხოების სისტემამ ჰაკერებს შესაძლებლობა მისცა $530 მილიონის ღირებულების NEM ტოკენები მოეპარათ.

კრიპტო უსაფრთხოებასთან დაკავშირებული ხშირად დასმული შეკითხვები

იმისათვის, რომ დამწყებებმა უკეთესად შეძლონ ყველაფრის გაგება, ხშირად დასმულ შეკითხვებს წარმოგიდგენთ:

1. რომელი ტიპის კრიპტო საფულე არის ყველაზე უსაფრთხო?
   “ცივი საფულე” ყველაზე უსაფრთხო ტიპად ითვლება, რადგან ისინი ინტერნეტთან კავშირის გარეშე, ოფლაინ მუშაობენ და ჰაკერული თავდასხმებისგან ყველაზე მეტად არიან დაცულნი.
   
   
2. საფულეში შენახული კრიპტოს დაკარგვა შესაძლებელია?
   თუკი შენს პირად გასაღებს, ანუ პაროლს დაკარგავ ან ფიშინგის მსხვერპლი გახდები, კრიპტოს დაკარგვა სავსებით რეალურია.
   
   
3. “ცხელი საფულე” დამწყებთათვის მისაღებია?
   “ცხელი საფულეები” მცირე მოცულობის ხშირი ტრანზაქციებისთვის რეკომენდებულია. მაგრამ გაითვალისწინე, რომ მათი გამოყენებისას სხვა უსაფრთხოების ღონისძიებებიც უნდა გამოიყენო.
   
   
4. როგორ აღვადგინო დაკარგული საფულე?
   გამოიყენე სიტყვები, რომლებიც სპეციალურად ასეთი სიტუაციებისთვის, საფულის შექმნისას გენერირდება. ამ სიტყვების გარეშე, დაკარგულის აღდგენა შეუძლებელია.

რეკომენდებული საფულეები დამწყებთათვის

კრიპტო ინდუსტრიაში ახალი მომხმარებლებისთვის, შემდეგი საფულეებია რეკომენდებული:

• Trust Wallet: მარტივი მოწყობილობა, უამრავი კრიპტო აქტივის მხარდაჭერით.
• Ledger Nano S Plus: ხელმისაწვდომი „ცივი საფულე“ გაძლიერებული უსაფრთხოებით.
• Coinbase Wallet: Coinbase-ის პლატფორმასთან ინტეგრირებით, საფულე იდეალურია დამწყებთათვის.

საფულეების შესახებ დეტალური ინფორმაცია ნახე აქ.

როგორ დავიწყო კრიპტო ვაჭრობა უსაფრთხოდ

შენი კრიპტოს უსაფრთხოდ შენახვის შემდგომ, დროა ვაჭრობა დაიწყო. იმისათვის, რომ ყველაფერი უსაფრთხოდ შეძლო, მიჰყევი შემდეგ ნაბიჯებს:

1. მოიძიე შენზე მორგებული, დაცული და ცნობილი ბირჟა.
2. გამოიყენე პლატფორმა, რომელსაც 2FA მხარდაჭერა აქვს.
3. მოერიდე შენი აქტივების ბირჟაზე დიდი ხნით დაყოვნებას.

დამატებითი რჩევებისთვის კი, გაეცანი ბლოგს.

შეჯამება

შენი კრიპტო აქტივების უსაფრთხოდ შენახვა რთულ ნაბიჯებს არ უკავშირდება. კრიპტო საფულის საწყისების გაგებითა და არსებული საბაზისო უსაფრთხოების ნორმების დაცვით საგრძნობლად ამცირებ რისკებს. დაიწყე ისეთი საფულის არჩევით, რომელიც შენს საჭიროებებს ერგება და შესაძლებლობას გაძლევს 2FA გამოიყენო. მოერიდე ფიშინგის მცდელობებს და საეჭვო ლინკებს.