ყველაზე პოპულარული ტოპ 5 კრიპტოვალუტა

შექმნის დღიდან კრიპტო ინდუსტრია სულ უფრო პოპულარული ხდება, შესაბამისად ჩნდება უამრავი კრიპტოვალუტა, რომელიც სხვადასხვა ინდუსტრიას უკავშირდება - მიმქოინები, ხელოვნური ინტელექტი (AI ქოინები), ფან ტოკენები და სხვა.

დღევანდელ ბლოგში კი, ვისაუბრებთ თუ რომელი ტოპ 5 კრიპტოვალუტა არის ყველაზე პოპულარული ამ დიდ ინდუსტრიაში და რა პრინციპით მოხვდნენ ისინი ამ სიაში. ამის გამოსავლენად კი, კრიპტოვალუტების მონიტორინგის ყველაზე დიდი პლატფორმა, CoinMarketCap დაგვეხმარება.

ასევე, ამ კრიპტოვალუტების შესახებ გეტყვით რამოდენიმე საინტერესო ფაქტს და ზოგადად, სად შეიძლება მარტივად და იაფად კრიპტოს ყიდვა.

ბიტკოინი (BTC) - ყველაზე დიდი კრიპტოვალუტა

ციფრულ აქტივებზე საუბრისას პირველი აუცილებლად ყველაზე დიდი კრიპტოვალუტა ბიტკოინი (BTC) უნდა ვახსენოთ. ეს ქოინი არის მსოფლიოში პირველი დეცენტრალიზებული აქტივი, რომელიც ჯერ კიდევ 2009 წელს უცნობი ადამიანის ან ადამიანთა ჯგუფის მიერ შეიქმნა, რომელსაც სატოში ნაკამოტოს სახელით ვიცნობთ. წლების განმავლობაში უამრავი ადამიანი ცდილობდა ამოეხსნა გამოცანა, თუ ვინ არის სატოში ნაკამოტო, მაგრამ პასუხი კვლავაც უცნობია.

კრიპტოს შექმნის მთავარი მიზანი, ადამიანებისათვის დეცენტრალიზებისა და ჭეშმარიტი ფინანსური თავისუფლების მიცემა იყო. ბიტკოინი კი, ნამდვილად არის აქტივი, რომელსაც არ გააჩნია საზღვრები და მისი გამოყენება უკავშირდება ანონიმურობას, უსაფრთხოებასა და ფინანსურ თავისუფლებას.

ამ ყოველივეს მისაღწევად კი, ბიტკოინს ამავე სახელწოდების საკუთარი, დამოუკიდებელი ბლოკჩეინი აქვს, რომლის განმტკიცებაშიც მსოფლიოს გარშემო უამრავი კომპიუტერია ჩართული.

არ აქვს მნიშვნელობა, თუ რა გამოცდილება გაქვს კრიპტო ინდუსტრიაში, ნებისმიერ შემთხვევაში გექნება გაგონილი ბიტკოინი. სწორედ ამიტომ არის ის მსოფლიოში ყველაზე დიდი და პოპულარული კრიპტოვალუტა CoinMarketCap-ის მონაცემებით.

ამჟამად ბიტკოინის საერთო საბაზრო კაპიტალიზაცია $1.2 ტრილიონს უტოლდება, რომლითაც პირველ ადგილს მყარად ინარჩუნებს. საუკეთესო მაჩვენებელი კრიპტოვალუტას ასევე ფასის კუთხითაც აქვს, კრიპტოს ყიდვა დაახლოებით $60,000 ფარგლებშია შესაძლებელი.

თუ გაინტერესებს, როგორ შეიძლება ბიტკოინის ყიდვა მარტივად, შეგიძლია ლინკს მიჰყვე.

საინტერესო ფაქტები ბიტკოინზე:

• დაკარგული ბიტკოინი - ბიტკოინს სასრული რაოდენობა აქვს, რაც ნიშნავს იმას, რომ სულ ჯამურად 21 მილიონი ბიტკოინი ჩაეშვება მიმოქცევაში. ამჟამად შექმნილი ბიტკოინების დაახლოებით 20% სამუდამოდ დაკარგულია. ზოგიერთი მათგანი არასწორ მისამართზე გადაირიცხა, ზოგიერთი მათგანი კი, კრიპტო საფულეშია დარჩენილი, რომელთა პაროლებიც მფლობელებს დაკარგული აქვთ.
  
  
• უფასო ბიტკოინი - 2010 წელს დეველოპერმა სახელად Gavin Andresen-მა შექმნა ვებ-გვერდი, რომელიც ვიზიტორებს უფასოდ 5 ბიტკოინს ჩუქნიდა. 14 წლის წინ ამ რაოდენობის ბიტკოინის ფასი ძალიან მცირე იყო, თუმცა დღეს დაახლოებით $30 000 000 ტოლი იქნებოდა.
  
  
• ბიტკოინი და FBI - ერთ დროს FBI ბიტკოინის ერთ-ერთი ყველაზე დიდი მფლობელი იყო. 2013 წელს გამოძიების ფედერალურმა ბიურომ დახურა არალეგალური ვებ-გვერდი, რომელზედაც ადამიანები ანონიმური ბუნების გათვალისწინებით, ბიტკოინით ვაჭრობდნენ. ჩამორთმეული ბიტკოინი კი, FBI-ის საკუთრებაში გადავიდა, შემდგომ კი, გასაყიდად აუქციონზე გამოვიდა.

ეთერიუმი (ETH) - ჭკვიანი კონტრაქტები

სიდიდითა და პოპულარობით რიგით მეორე კრიპტოვალუტა ეთერიუმია (ETH), რომელსაც $390 მილიარდიანი საერთო საბაზრო კაპიტალიზაცია აქვს.

ეთერიუმი კრიპტო ინდუსტრიაში 2015 წელს გამოჩნდა და მას ღია ტიპის დეცენტრალიზებული ბლოკჩეინი აქვს, რომლის გამოყენებითაც დეველოპერებს დეცენტრალიზებული აპლიკაციებისა და ჭკვიანი კონტრაქტების შექმნა შეუძლიათ.

ჭკვიანი კონტრაქტი იმგვარი ტიპის გარიგებაა, რომელიც ძალაში მაშინ შედის, თუკი ორივე მხარე შეასრულებს დათქმულ და წინასწარ განსაზღვრულ პირობას. შესაბამისად, შეუძლებელია, რომ ჭკვიანი კონტრაქტის შექმნის პირობებში, რომელიც ბლოკჩეინ ტექნოლოგიის წყალობით ფუნქციონირებს, რომელიმე მხარე დაუცველი დარჩეს.

გარდა ჯამური საბაზრო კაპიტალიზაციისა, ეთერიუმი ბიტკოინის შემდგომ მეორე ადგილის ღირებულებითაც იკავებს. ETH-ს ფასი ამჟამად დაახლოებით $3000 ფარგლებში მერყეობს და მისი მარტივად ყიდვა კრიპტალზე შეგიძლია.

საინტერესო ფაქტები ეთერიუმზე:

• ჭკვიანი კონტრაქტები - ბიტკოინისგან განსხვავებით, ეთერიუმს გაცილებით დიდი როლი აქვს, ვიდრე უბრალოდ ტრანზაქციების შესრულებაა. ეთერიუმის წყალობით შესაძლებელია ჭკვიანი კონტრაქტების დადება, რომელიც წინასწარ დათქმული პირობის შესრულების შემთხვევაში, ავტომატურად აღსრულდება.
  
  
• თანხების აგროვება - 2014 წელს, როდესაც ეთერიუმის პროექტი საწყის ეტაპზე იყო, განვითარებისთვის სახსრები ბიტკოინის გამოყენებით გროვდებოდა. ჯამურად პროექტის განვითარებისათვის $18 მილიონი შეგროვდა.
  
  
• ვიტალიკ ბუტერინი - ეთერიუმის შექმნის იდეა ჯერ კიდევ 2013 წელს თინეიჯერ, 19 წლის ვიტალიკ ბუტერინს გაუჩნდა. ახალი კრიპტოს შექმნის მიზეზი ბიტკოინის მინუსები იყო, რის შემდგომაც ვიტალიკმა Whitepaper გამოაქვეყნა.

Tether (USDT) - კრიპტო დოლარი

ტეზერი, იგივე USDT ჩვენს სიაში არსებულ კრიპტოვალუტებს შორის ყველასგან განსხვავებული და გამორჩეულია. კრიპტოვალუტა CoinMarketCap-ის სიაში სიდიდით მესამე ციფრული აქტივია, რომლის საერთო საბაზრო კაპიტალიზაციაც $110 მილიარდია.

მაგრამ, გაინტერესებს რატომ არის ეს კრიპტოვალუტა ყველასგან გამორჩეული და რატომ მოიხსენიებენ მას ხშირად კრიპტო დოლარად? USDT-ის ფასი მუდმივად $1 ტოლია, ანუ მისი ღირებულება მიბმულია USD-ის (ა.შ.შ. დოლარის) ღირებულებაზე.

ამგვარი ტიპის აქტივს სტაბილური კრიპტოვალუტა ჰქვია, რადგან მისი ფასი, სხვა აქტივებისაგან განსხვავებით, მუდმივად სტაბილურ ნიშნულზეა.

მისი სტაბილური ფასიდან გამომდინარე, უამრავი ადამიანი იყენებს ამ კრიპტოვალუტას საერთაშორისო გადარიცხვებისა და ტრანზაქციებისათვის. განსაკუთრებით მაშინ, როდესაც ის გამოირჩევა დაბალი საკომისიოებითა და ნაკლები შეზღუდვებით, რომელიც ტრადიციულ ფიატ ვალუტებს არ ახასიათებთ.

საინტერესო ფაქტები USDT-ზე:

• სტაბილური აქტივების პიონერი - ტეზერი პირველი ციფრული აქტივია, რომელიც სტაბილურ კრიპტოვალუტად პოზიციონირდა. მისი მიზანია, მომხმარებლებს შესთავაზოს სტაბილურობა, გამჭვირვალობა და დაბალი საკომისიოები. ერთი USDT-ის ფასი მუდმივად ერთი USD-ის ტოლია.
  
  
• ლიკვიდურობა და გავლენა ბაზარზე -USDT-ის კრიპტო ბაზარზე ლიკვიდურობის მიწოდებით კრიტიკული როლი აქვს. ის კრიპტო ბირჟებს შორის აქტივების სწრაფად, ტრადიციული საბანკო სერვისების გვერდის ავლით მიმოცვლისათვის გამოიყენება. ეს კი, USDT-ის მნიშვნელოვან კრიპტო აქტივად აქცევს.

BNB (BNB) - ბაინანსი და მისი კრიპტოვალუტა

2017 წლის ივლისში მსოფლიოში ყველაზე დიდმა კრიპტო ბირჟა ბაინანსმა საკუთარი კრიპტოვალუტა, სახელად BNB ჩაუშვა მიმოქცევაში. ეს ციფრული აქტივი ჩვეულებრივ გამოიყენება, როგორც სავაჭრო კრიპტო არა მხოლოდ ბაინანსის პლატფორმაზე, არამედ მსოფლიოს გარშემო დეცენტრალიზებულ თუ ცენტრალიზებულ ბირჟებზე. მაგრამ, კრიპტოვალუტას აქვს ერთი დამატებითი ფუნქცია, ის ბაინანსზე ასრულებს ფიატ ვალუტის - ა.შ.შ. დოლარის - ალტერნატივას.

ბაინანსზე კრიპტოს ყიდვა, ისეთის როგორიც ბიტკოინი, ეთერიუმი ან სულაც USDT არის, შეგიძლია BNB-ის დახმარებით. კრიპტოვალუტა დაფუძნებულია ეთერიუმის ბლოკჩეინზე, ამ ქსელის მრავალი უპირატესობის გამო. თუმცა, 2019 წელს მოხდა მნიშვნელოვანი ცვლილება, რა დროსაც აქტივი ეთერიუმის ქსელიდან, საკუთარ მშობლიურ ქსელზე გადავიდა.

BNB ყველაზე დიდ და პოპულარულ კრიპტოვალუტებს შორის მე-4 ადგილს იკავებს საერთო საბაზრო კაპიტალიზაციის დიდი მოცულობით - $88 მილიარდი. ხოლო თუ ამ კრიპტოს ყიდვა გადაწყვიტე, მისი ერთეულის ღირებულება $600 ფარგლებში მერყეობს. მაგრამ, ხომ გახსოვს, BNB ყიდვა ნაწილ-ნაწილაც შეგიძლია და საჭირო არ არის რომ აქტივი სრულად შეიძინო.

საინტერესო ფაქტები BNB-ზე:

• მიზნები - კრიპტოვალუტა BNB მიმოქცევაში წინასწარი გაყიდვის პრინციპით 2017 წელს ჩაეშვა, 11 დღით ადრე, ვიდრე თავად კრიპტო ბირჟა ბაინანსი გაეშვებოდა. თავდაპირველად დაგეგმილი იყო, რომ აქტივი საკომისიო გადასახადების შესამცირებლად იქნებოდა გამოყენებული, თუმცა მოგვიანებით კრიპტომ გაცილებით მეტი როლი მიიღო.
  
  
• ტოკენების დაწვა - რათა შენარჩუნდეს კრიპტოს ფასი და გათვალისწინებულ იქნას ინფლაციური რისკები, ბაინანსი პერიოდულად წვავს BNB-ის მიმოქცევაში არსებულ ტოკენებს. ეს ნიშნავს იმას, რომ ბაინანსი ყიდულობს კრიპტოვალუტას უკან და შემდგომ გარკვეულ რაოდენობას ანადგურებს, რითაც ამცირებს აქტივების რაოდენობას. ქმედება იწვევს ბაზარზე არსებული კრიპტოვალუტების რაოდენობის შემცირებასა და ფასის დასტაბილურებას.

სოლანა (SOL) - სწრაფი კრიპტოვალუტა

სიდიდითა და პოპულარობით რიგით მეხუთე კრიპტოვალუტა, რომლის საბაზრო კაპიტალიზაციაც $61 მილიარდს უტოლდება, სოლანაა. ეს მაღალი ეფექტურობის, სწრაფი და დაბალი საკომისიოების მქონე კრიპტოვალუტაა, რომელიც ტრადიციულად სავაჭრო მიზნებისთვის გამოიყენება - როგორც საინვესტიციო აქტივი, ასევე გადარიცხვებისა და გადახდებისათვის გამოსადეგი ვალუტა.

გარდა ამისა, სოლანას კრიპტოვალუტა მუშაობს დეცენტრალიზებულ აპლიკაციებში, მისი ბლოკჩეინი კი სწორედ ამგვარი აპლიკაციების შესაქმნელად იდეალური გზაა უსაფრთხოების, სიმარტივისა და ეფექტურობის გამო.

სოლანას მრავალი ტიპის დანიშნულება, ამ ქოინს მიმზიდველ აქტივად აქცევს. თუკი შენც მოგინდა კრიპტოს ყიდვა, ეს ყველაზე მარტივად და დაბალი საკომისიოებით კრიპტალზე შეგიძლია. კრიპტოს ფასი კი ამჟამად $135 ფარგლებში მერყეობს.

საინტერესო ფაქტები Solana-ზე:

• სისწრაფე - სოლანა ცნობილია, როგორც ერთ-ერთი ყველაზე სწრაფი კრიპტოვალუტა. აქტივს წამში 50 000 ტრანზაქციის გატარება და დამუშავება შეუძლია, რომლის წყალობითაც კრიპტო სამყაროში ყველაზე სწრაფი ბლოკჩეინის სტატუსითაც სარგებლობს.
  
  
• დაბალი საკომისიო - მიუხედავად იმისა, რომ ტრანზაქციები სოლანას ბლოკჩეინში ელვის სისწრაფით დასტურდება, აქტივი მაინც ინარჩუნებს დაბალ საკომისიოებს. სწორედ ეს არის ერთ-ერთი მიზეზი, თუ რატომაც არის კრიპტოვალუტა სოლანა მიმზიდველი ციფრული აქტივი დეველოპერებისა და კრიპტოს ყიდვა & გაყიდვის მსურველებში.

შეჯამება - დიდი საბაზრო კაპიტალიზაციის მქონე 5 კრიპტოვალუტა

როგორც დასაწყისში ვახსენეთ, ჩვენს სიაში მოხვედრილი ტოპ 5 კრიპტოვალუტა ყველაზე პოპულარული ციფრული აქტივები არიან და ისინი ყველაზე დიდი საბაზრო კაპიტალიზაციით გამოირჩევიან.

საბაზრო კაპიტალიზაცია კი, ცირკულაციაში არსებული კრიპტოვალუტების რაოდენობისა და მათი ღირებულების ნამრავლია, ამით კი CoinMarketCap-ის მონაცემებით ბიტკოინი, ეთერიუმი, BNB, სოლანა და USDT ლიდერობს.

გაითვალისწინე, ჩვენს სიაში მოხვედრილი ყველა კრიპტოს ყიდვა კრიპტალზე შეგიძლია, მარტივად და დაბალი საკომისიოებით.

კრიპტო ლექსიკონი

• კრიპტოვალუტა - ციფრული და დეცენტრალიზებული კრიპტოვალუტა, რომელიც ონლაინ არის მიმოქცევაში
• ჯამური საბაზრო კაპიტალიზაცია - მიმოქცევაში ჯამურად არსებული კრიპტოვალუტების საერთო ღირებულება
• ბიტკოინი (BTC) - ყველაზე დიდი კრიპტოვალუტა
• ეთერიუმი (ETH) - ერთ-ერთი ყველაზე დიდი კრიპტოვალუტა
• Whitepaper -კრიპტოვალუტის მუშაობის პრინციპებისა და სტრატეგიის საინფორმაციო დოკუმენტი
• სტაბილური კრიპტოვალუტა - კრიპტოვალუტა, რომლის ღირებულებაც მუდმივად სტაბილურ ნიშნულზეა და ერთი და იმავე ფასი აქვს
• ლიკვიდურობა -რამდენად სწრაფად შეგიძლია სასურველი კრიპტოს ყიდვა & გაყიდვა ლოდინის გარეშე
• ტოკენების დაწვა - კრიპტოვალუტის სხვადასხვა გზებით ცირკულაციიდან სამუდამოდ ამოღება და ამით მისი ღირებულების შენარჩუნება და ინფლაციური რისკების აღმოფხვრა
• სოლანა - ერთ-ერთი ყველაზე დიდი და სწრაფი კრიპტოვალუტა
• USDT -სტაბილური კრიპტოვალუტა, რომლის ფასიც მუდმივად ერთი ა.შ.შ. დოლარის ტოლია